روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۸/۲۷
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 586
  • بازدید دیروز: 1,580
  • کل بازدید ها: 874,368
هاشم ترلان

هاشم ترلان عائله‌سی سراب شهریندن باکییا کؤچوب و هاشم باکیدا آنادان اولموشدور آنجاق ۱۳۱۶ ایلینده بوتون ایران مهاجری ایرانا کؤچوروله­ رک، هاشم ‌دا ایرانا دؤنور و یئنه سراب یاخینلیغیندا زنگیلاباد کندینده ـ آتا بابا یوردوندا ساکن اولور، آنجاق ایکینجی دونیا ساواشیندا کندی ترک ائدیب تهرانا کؤچور و ایندی ده تهراندا قالیر . هاشم تحصیلینی باکیدان آلمیش و تهراندا بیر زامان نجار کیمی و بیر زامان دا خیاط کیمی ایشده ایشله­ ییر آنجاق یازیب ـ یاراتمادان بیر آن دایانمیر.
هاشم هله اوشاق ایکن شعر دئییب و باکیداکی ژورناللاردا شعرلری چاپ اولوردو. هاشم ترلان تبریزده «وطن یولوندا» درگی­سینده شعرلرله چیخمیش ائدیر و شاعرلر مجلیسینده فعالجاسینا اشتراک ائدیر. ۱۳۲۵ ایلیندن سونرا هاشم ترلان توتولوب، دوستاق اولور و سونرا سورگون ائدیلیر.
سلام­الله جاوید ۱۲۴۲ جی ایلدن تهراندا دوستلار گؤروشو عنوانیندا بیر ادبی ییغینجاق قورور و هاشم ترلان بو مجلسین فعال عضولریندن اولور. اونون «آلولو شعرلر» کتابی بؤیوک رغبتله خالق طرفیندان قارشیلانمیشدیر. ترلانین اصل یارادیجیلیغی انیقیلابدان سونرا یئنی بیر روح لا گئنیشلنمیش و یئنی اثرلر خالقیمیزا بخش ائتمیشدیر.
تواضعکارلیقلا یوخاریداکی مصراعلاری سؤیله­ ین، اؤزونو شاعر بیلمه­ ین، حیات بویو یورویوب ییخیلان، یئنه ده آیاغا قالخان، اوز خالقی­نین صداسی، شعر سمامیزین یورولماز، سارسیلماز، قیزیل قاناد شاهینی قوجامان شاعریمیز، ترلان دیر
شاعر ترلان ۱۳۲۱ ـ ینجی ایلدن شعر و صنعت دونیاسینا قدم قویوب و ۱۳۲۴ جو ایل ده «آذربایجان شاعرلر مجلسی­نین» گنج عضولریندن اولور. ۱۳۲۵ ـ ینجی ایل حادثه­ لریندن سونرا دیل و ادبیاتیمیز پهلوی­ لر طرفیندن سه­رت تضییقه اوغراییر و شاهین استبدادی حکومتی، آزاد نفس الماق ایسته­ینلرین سسینی­ سینه­ ده بوغور و هئچ نوع اجتماعی تشکیلاتا فعالیت اجازه ­سی و امکانی وئرمیر.
د‌رین انقلابی عنعنه ­یه مالک اولان ایران خالقلاری ۱۳۲۹جو ایلدن ضد استبدادی و ضد استعماری مبارزه ­سینی گئنیش­لندیریر و ملّی ـ مستقل روزنامه­ لر انتشارا باشلاییر و ۱۳۳۰ جو ایلدن آذربایجان دیلینده شعرلر بعضی روزنامه ­لرده چاپ اولور. همین دؤرلرده شاعر ترلانین شعری روزنامه­ لرده گؤزه چارپیر.
ترلانین شعر و صنعت دونیاسینا قدم قویماسیندان ۶۵ ایل کئچیر منجه بیر شاعیرین عؤمرونو گونله، هفته و آیلا، ایل ایله معیّن­لشدیرمه دوزگون دئییل. شاعرین عمرونون باشلانغیجی شعر و صنعت دونیاسینا گلمه ­سی گوندن باشلانیر. ترلان ۶۵ یاشیندا، شعر و ادبیاتیمیزدا آغ ساققال و قوجامان شاعردیر.
ترلان حاقلی­دیر دئیه:
«قوجالیقدان سؤز دوشنده
ترلان ایله یاریشـــــماسن»
وطن سئوه ­رلیک هر آذربایجانلی­نین خصوصیله آذربایجانلی شاعرین سون غایه­ سیدیر:
«سالام اودلار یوردو
ســــالام ای وطن
تابیم، توانیم منیم
وطنیـــــــم منیم»
وطن، بو بویوک معنا، اونون وصفینی یازماغا عمّان گئنیش­لیکده الهام گره ک­دیر. هر عاجز قلمده او قدرت یوخدور بو گؤزه ل و درین معنانی تصویر ائده بیلسین:
«دوغروسو دونیایا سیغمایان وطن
بو عاجز قلمه نئجه سیغیشسیـــن؟
***
شأنیـــــــنده یازماغا سن ای وطن
قلمی، الهــــامی بیر عمان گره ­ک.
او قدر عزیزسن، اوجاسان کی سن،
وصفینی ائتمه­ یه سلیمان گره­ ک.»
تبریز! آذربایجانیمیزین چیرپیلنان اوره­ یی، یاد ائللی­لره باج وئرمه ­ین شَهَر، بوتون شاعرلریمیزین شعرینه عنوان اولان شهر:
«ای عزیز تبریزیم قهــرمان شهر
قلبیم سنیله دیر هر آخشام سحر
آلاندا حسنــونی بیر زمان کدر
من نئجه یانماییـــم او دونا تبریز.
**
یئنـــــــــــه تازه لندی کهنه دردلریم
شاعیــــــــــرین دوشوبدور یادینا تبریز
هر سؤز باغچاسیندان بیر چیچک دریب
بو شعری باغلادیم آدینا تبریز.»
تبریز! قوینوندا یوزلر قهرمان بسله ­ییب و یئتیرمیش شهر، مشروطه انقلابی­نین سؤنموش چیراغینا یاغ توکوب، گونش کیمی نورلاندیران شهر، باشدا مدرک سرداریمیز و اونون دوزگون سیاستی و تبریز اهالی­سینین اونا و سایر مشروطه رهبرلرینه اعتمادی، استبداد هجوملارینی سیندیردی و مشروطه ­نی ایرانا قایتاردی:
«حیدرین کؤکسونده چیرپینان اوره ­ک
میســـــیونون کؤنلونده مقدس دیلک
ســـــــتارین الینده بئش آچیلان توفنک
یازدی مشــــــــــــروطه نی آدینا تبریز.
****
ای دوغما ائللریم، ای تبریـــــــــــزلیلر
قوربانی اولــــــــــــدوغوم امیر خیزلیلر
وورون دامغالانســــــــین ایکی اوزلولر
دئسینلر آدینا داســــــــــــتانلی تبریز.
تبریز: بو، قهرمان شه هر، بو، آچیلماز محکم قالا، همیشه دوشمن قارشیسیندا یئنیلمز سنگر اولوب آذربایجان و آذربایجانلی افتخار ائده بیلر کی، تکجه بورادان اولان هجوملار دفع اولوب و بو یولدان گلن باسغیچیلار اوزون مدّت وطنیمیزده یووا سالیب و حاکمیّت ائده بیلمه­ ییب:
«بیــــر سیر اولموسان سن استبدادا،
ائللـــــرین دار گونده گلیب امدادا
قارانلیق یوللاری قویوب آرخادا
شرقه دوغرو گئده ن کروانلی تبریز.
***
گئتدیکجه بوغولان سئللـــر اوجالیر
دوشمن ائل گوجونه باخیب قوجالیر
سنین ساغلیغینا اینــــــدی ال چالیر
ســــــئوینیر هر یئنه­ ن ایرانلی تبریز.».
قایناق: قیزیل قلم

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز