هر زمان صنعتکارلارین و هنرمندلرین یانینداییق

بؤیوک تبریزین شهردارلیق باشچیسی ، مهندس شهین باهر ، تبریزده اکرانا چیخان «کئچل اوغلان» تئاترینی تاماشا ائتدیکدن سونرا، بلدیه نین صنعتکارلار و هنر اهالی سیندن داها آرتیق حمایت ائتمه سیندن سؤز آچمیشدی.
مهندس ایرج شهین باهر دئمیشدی: بوتون مسئوللار مدنیت و مدنی ایشلره اهمیت وئره رک، صنعتکارلارین یانیندا اولاراق، شهری اداره ائتمک ده مدنیت و مدنی ایشلر داها آرتیق یئر وئرمه لیدیرلر.
تبریز شهردارلیغینین باشچیسی آرتیریب: یقین مسئوللارین صنعتکارلارین یانیندا اولماسی اونلارین داها آرتیق صنعت و هنر یاراتماسینا سبب اولاجاقدیر.
مهندس باهر سوزلرینین داوامیندا بئله دئمیش: «کئچل اوغلان» تئاتری، بیزیم قدیمی سنت لر، مدنیت و گئییم لریمیزی نمایش ائتدیریر. بو تئاتردا بیزیم آتالاریمیزدان یادگار قالان محتشم کئچمیشیمیز یئنی دن جانلانیر.
او دئمیشدی: تبریز۲۰۱۸ ده شهریمیزه گلن قوناقلار و توریست لر ائله بیزیم بو سنت لر و مدنیتیمیزی گورمک اوچون تبریزه گله جک لر و بیز بو قدیمی سنت لری احیا ائتمک له توریسم صنعتینین دیرچلمه سینه فایدالی آددیم لار آتا بیله ریک.
دئمک لازیم دیر کی «بابک نهرین»، شرقی آذربایجان نمایش هنر و تئاتر انجمنینین باشچیسی و «کئچل اوغلان» تئاترینین دولاندیرانی دیر ، او تبریز تئاترینین اوزل مدالینی تبریز بلدیه رئیسینه وئره رک مهندس باهرین صنعت و هنره اولدوغو باخیمیندان تقدیر ائتدی.

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz