روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۳/۱۴
روزنامه ساقی آذربایجان
تبلیغات
آمار بازدید
  • 0
  • 313
  • 407
  • 1,282,544
وطن اوغلویام

وطن اوغلویام
سهندیم، شئیوریم، گئچی قیرانیم
عشقیندن یانمیشام، وطن اوغلویام
صفالی تورپاغیم، آذربایجانیم
سنده یارانمیشام، وطن اوغلویام
*
سن منیم تورپاغیم، سن منیم جانیم
سن منیم جانیمدا، داماردا قانیم
سن منیم شرفیم، ایلقار ایمانیم
سنه اینانمیشام، وطن اوغلویام
*
یازیرام ائل بیلسین مرد مردانا
عشقیندن اولموشام دلی دیوانا
«فروتن» قورباندی کوهنه ایرانا
گزیب دولانمیشام وطن اوغلویام
***
اوغلوم
سنه بیر وصیّت، اولسون یادگار
قولاق آس سؤیله ییم، صحبت‌دیر اوغلوم
گر یاتسا اقبالین، سیخسا روزگار
صبر ائیله تاب ائیله، عبرت دیر اوغلوم
*
یامان گون یاماندی، دوست آشنا قاچار
سن قالما دونیادا، به مومکون ناچار
داریخما، قاپینی باغلایان آچار
یازی یازان یازیب ـ قسمت‌دیر اوغلوم
*
نصیحتدن چیخما اوغلوم، آماندی
سؤزوندن آتانین چیخماق یاماندی
موکافات بالادان قیصاص آلاندی
قرآندا یازیلیب، حکمت‌دیر اوغلوم
*
غافیل اولما اوغول، او تک الله‌دان
یارادان وئره‌جک روزی هر زاددان
چیخارتما آتانی، آنانی یاددان
دده‌نین عزّه‌تی، حرمت دیر اوغلوم
*
یاشاییش چتیندیر، چالیشماق گره‌ک
چالیشماق اولماسا، تاپیلماز چؤره‌ک
نئیله ییم ، آتایام ، دایانمیر اوره‌ک
چالیشماق انسانا، غیرت‌دیر اوغلوم
*
«فروتن» ماییل‌دیر، گول جمالیوا
چاتما قاشلاریوا، او تک خالیوا
قوچ قوربان کَسَه رم او قامتیوا
یارادان صاحب قدرت‌دیر اوغلوم

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز