روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۶
روزنامه ساقی آذربایجان
تبلیغات
آمار بازدید
  • 1
  • 597
  • 798
  • 1,334,096
یالان دونیا!‏

سنین بهره‌ن یئین کــــیم‌دیر؟ ‏
کیمینکیسن؟ یییه‌ن کــیم‌دیر؟‏
سنه دوغرو دییه ن کیم‌دیر؟
‏«یالان دونیا! یالان دونیا!».‏
*
ســـــــــنی فرزانه‌لر آتدی،
قــــاپیب، دیوانه‌لر توتدی،
کیمی آلدی، کیمی ساتدی،
‏ســـاتان دونیا! آلان دونیا!‏
*
سنی بایقوش لار آلقیشلار،
دَلی، ویرانه‌نی خوشلار،
دولان عـــقله سنی بوشلار
ایچی بوش لا دولان دونیا! ‏
*
چاتیب سندن کؤچن کئچدی
اصیل جامین ایچن کئـچدی
اولان اولدو، کئچن کئـچدی
نه ایـستیردین اولان دونیا!؟
*
آتی ازّل داغا صــــــالدیق،
یورولدوقجا دالی قـــالدیق،
آتی صاتدیق، اولاغ آلدیق
یـــــــهر اولدو پالان دنیا!‏
*
ســــنه قارون‌لار آللاندی،
قیـــــزیلدان تلّی قاللاندی،
باتیب ظولماته قویلاندی،
‏اوُلـــــوب تلّی تالان دنیا
*
قازانیب، هِئی تالانیب‌سان،
قالانیب هئی جالانیب‌سان،
ازل‌دن چالخــالانیب ‌سان،
یئنه ده چالخــــالان دونیا!‏
*
ننه قارنی ایلک بئشیــــــگین‏
قبرستان‌لیق صون دئشیگین
نه ایـــچه‌ رین، نه ائشیگین
‏قارانلــــیق بیر دالان دونیا.‏
*
نه قاندین کیم گول اکن‌دیر؟
کیم قیلیج تک قان تؤکـــن‌دیر
‏(تیمور) هله کوره‌کــن‌دیر،
(چنگیز) جانین، آلان دونیا.‏
*
ایگیــت ‌لرین باشین یئیه‌ن،
قوجــالار بوزباشین یئیه‌ن،
قبـــــیرلرین داشین یئیه‌ن،
اؤزو یــــــئنه قالان دونیا!‏
*
بیــری آینا، بیری پــــــاس‌دیر
بیـــری آیدین، بیری کاس‌دیر،
گئجه طوی‌دور، سحر یاس‌دیر
گــول آچدیق‌دا، صولان دونیا.‏
*
بـــــوغــولایدین دوغان یئرده
دوغــــوب خلقی بوغان یئرده
اوغـــول نعشین اوغان ‏ یئرده‏
آنــــا زولفون یــــــولان دونیا
*
اوجـــــــاق‌ایکن سؤنه ‌یمیشسن
چانـــــــــاق‌ایکن چؤنه‌یمیشسن
نه پیــــــــس قاری ننه‌یمشسن،
‏ناغــــــــیل یالان ـ پالان دونیا.‏
*
یامــــــان قورغو! ییغیلایدین!‏
طــــــوفان‌لاردا بوغولایدین!‏
نولایـــــــدی بیر داغیلایدین!‏
‏بیزی درده ســــــالان دونیا.‏
شهریـــار

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز