روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۸
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 2,083
  • بازدید دیروز: 2,848
  • کل بازدید ها: 838,125
پانتومیم

غلامحسین ساعدی، آذربایجانین گؤرکملی،
دونیـا سویه سینده تانینان اویــــون یازاری،
بـــــوتون اویونلاریندا “گوهر مراد” آدینی
چکمیشدیر.
ساعدی، اؤز آنا دیلینه وورغون اولورسا دا، اونو آنادیلینده یازماغا قویمامیشلار. بونونلا بئله، “قوردلار” آدلی اویونونو تورکجه یازمیش، بوندان علاوه دیلی­نین یاساق اولدوغونا اعتراض عنوانی ایله “لال اویونو” یا پانتومیم اویونلارینی یاراتمیشدیر. او، بو پانتومیملرده، دینمز – دانیشماز آداملاری صحنه ­یه چکمیش و بئله­ لیکله ده اؤز اعتراضینی بیلدیرمیشدیر. بیز بورادا بو پانتومیملری تقدیم ائدیریک:
چؤل. وحشی قوشلارین سسی قولاغا چاتیر. بیر دسته اوزاقلاشیرکن، باشقا دسته یاخینلاشیر.
نئچه آن سونرا. بؤیوک بیر قوش دسته ­سی­نین قاناد سسی ائشیدیلیر، یئیین و چیغیراراق اوزاقلاشیر. یئنه سکوت و یئنه قوشلارین قاناد وورماسی.
قوجا بیر کیشی ساغ یؤندن صحنه­ یه گیریر. بئلینه بیر پیچاق باغلامیش و داشینان دولو بیر خورجونو چیگنیندن آسلامیش. هر الینه نئچه داش آلمیشدیر. قاچیر، صحنه ­نین اورتاسیندا دایاناراق گؤیه باخیر. بیر داش گؤیه توللاییر و باخیر. خوشحال و اومودلو قوشلارین سسی گلیر. یئنه نئچه آددیم قاچیر و دایانیر، گؤیه باخیر. باشقا بیر داش قوشلارا آتیر، گؤزله­ ییر. یئنه قاچیر، دایانیر. بیر داش آتیر، گؤزله ­ییر. عصبانیت-له فیشقا چالیر. قاچیر، صحنه­ دن ائشیگه چیخیر.
گؤیدن کئچن قوشلارین نغمه­ لری و قاناد سسلری گلیر، هردن بیر، بیر قوشون سسی هامیدان اوجا اولاراق گؤیو دولدورور.
بیر گنج ایچه­ ری گیریر. الینده توفنگ و بئلینده گولـله­ لرله دولو فانیسقا. قاچیر صحنه ن­ین اورتاسیندا دایانیر و گؤیه باخیر. آستا آستا توفنگین لوله ­سین یوخاری قالدیریر. نشانلاییر و ماشانی چکیر، بیر قوش چیغیریر، بیر گؤیرچین یئره دوشور. گنج، گؤیرچینی گؤتورور و باخیب یئره آتیر. گؤیه باخیر. نئچه آددیم ایره­ لی گئدیب و کئچن قوشلارا گؤز تیکیر، عجله ایله توفنگین لوله­ سین قالدیریر، نشانلاییر. ماشانی چکیر. بیر قوش چیغیریر و بیر قارقا یئره دوشور. شکارچی قارقانی گؤتوروب باخیر و یئره آتیر.
گؤیه باخیر. توفنگین لوله­ سین قالدیریر و گؤیون سول بوجاغینی نشانلاییر و اوندا آستا آستا توفنگین لوله­ سین ده­ ییشیر، سانکی بیر قوشو گؤیده ایزله­ ییر، صحنه­ نین گؤیونده ساغ بوجاغا چاتدیقدا ماشانی چکیر. بیر قوش چیغیریر و بیر تویوق – یئککه قانادلاریلا یئره دوشور. گنج اوغلان تویوغو گؤتورور، باخیر و یئره آتیر. گؤیه باخیر و نشانلاییر و ماشانی چکیر. بیر قوش گؤیده چیغیریر: “وای!” و یئره دوشور. شکارچی قوشو گؤتورور، قوشون اوزون آیاقلاری وار و بوینوندا بیر قاندال. قوشا باخیر و یئره آتیر. بیر داش اوستونده اگله­ شیر و گؤیه زیلله نیر. بیردن قالخیب نشانلاییر و ماشانی چکیر، بیر کیشی چیغراغی و بیر زنگ سسی گؤیدن ائنیر، بؤیوک بیر قاناد یئره دوشور، گنج قانادی گؤتورور و تعجب­له باخیر. قانادین سونوندا بیر زنگ آسلانیب. قانادی ترپه­ دیر، زنگین سسی ائشیدیلیر: “دنگ، دنگ، دنگ”. باشقا بیر زنگ گؤیدن، درین و بوغونتولو سس وئریر: “دنگ”. گنج قانادی یئره آتیر و دایانیب فیکیرله ­شیر. اؤلموش قوشلارا تاماشا ائدیر. قوشلارین سسی گؤیدن گلیر. گنج یئنه داش اوستونده اوتورور و گؤیه زیلله ­نیر. داش اوسته اوتوردوغو حالدا گؤیو نشانلاییر و ماشانی چکیر. بیر آتین نعره ­سی ائشیدیلیر. بؤیوک بیر نال گؤیدن یئره دوشور. گنج ایره­ لی گئدیب و نالی گؤتورور و باخیر. گؤیه باخیر. یئنه نالا باخیر. شوبهه ­لی بیر حالدا یئره آتیر. قیلیغی توتغون و غملی­دیر. داش اوستونده اوتورور. آستا – آستا گؤیدن بیر ایپ ساللانیر و گنج اوغلانین باشی اوستونده دایانیر. گنج بیردن ایپی گؤرور، اونا بیر مکتوب باغلانمیش؛ مکتوبو آچیر و یئیین اوخویور. ایپ گژله مکده دیر.

گنج باخیر و یئنه مکتوبو
اوخویور و یئنه یوخارییــــا
باخیر، قیلیغی آچیلیر و گولور.
توفنگی یئره آتیب ایپی یاپیشیر.
ایپ یوخــــــاری گئدیر، گنجین
آیاقلاری یئردن اوزولور. ایپ دایانیر و گنج یوخاری قالخیر. ایپ یئنه قالخیر و دایانیر. گنج ایپی ترپه­ دیر. یوخاریدان بیر گولمک سسی ائشیدیلیر. گنج، ایپی ترپه ­دیر. ایپ بیر بالاجا قالخیر و دایانیر. اوستدن بیر گولمک سسی گلیر. گنج اوچونجو دؤنه ایپی ترپه­ دیر، ایپ یوخاری گئدیر و گنجین تکجه بدنی صحنه­نین یوخاریسیندان آسلانمیش گؤرونور. اللری و باشی گؤرونمور. قوشلارین سسی داهادا اوجالیر، لاپ اوجا.
بیر قوجا کیشی سول یؤندن صحنه­ یه گیریر. خورجونو بوشدور، نئچه آددیم ایره­ لی گلیر و دایانیر، یئردن بیر داش گؤتوروب گؤیه آتیر. هله گنجی گؤرمه­ میش. یئنه نئچه آددیم قاچیر و اگیلیب بیر داش گؤتورسون، یئرده کی قوشلارین بیرینی گؤرور، گؤتورور، تعجبله یان – یؤره­ یه باخیر، ایکینجی و اوچونجو قوشو دا گؤتورور و هامیسینی خورجونونا ییغیر، بیردن توفنگی گؤرور، توفنگی گؤتورور.
آستا – آستا ایپ ترپه ­نیر و گنج توولانیر. قوجا کیشی اونو گؤروب دال – دالی گئدیر و صحنه ­نین سول طرفینده دایانیر. دیزه چؤکور، توفنگین لوله ­سین قالدیریب نشانلاییر و ماشانی چکیر. گنج بیر قوش جنده­ یی کیمی یئره دوشور. قوجا دال – دالی گئدیب صحنه­ دن ائشیگه چیخیر. قوشلارین سسی و بیر آت، دلی کیمی شیهه چکیر.
غلامسین ساعدی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز