پاکلیق

« خیبر» چیرپیشماسیندا مسلمانلارا آجلیق ال وئرمیشدیر . اونلار ناعلاجلیقدان اتی مکروه اولان حئیوانلاردان آجلیقی آرادان آپارماق اوچون فایدالانیردیلار. بیر چهره سی قارا چوبان کی یهودی لره چوبانلیق ائدیردی پیامبر (ص) حضرتلری نین قوللوغونا گئتدی و ایسلام حقیقتین بیلمه گی او حضرتدن ایسته دی . او همان چاغدا پیامبرین شیرین سؤزلریله پیغمبره ایمان گتیریب دئدی: بو قویونلار هامیسی منیم الیمده امانت دیر ، ایندی کی منیم الیم اونلارین صاحابلاریندان قیریلیبدیر تکلیفیم نه دیر؟
پیامبر (ص) یوزلر آج سربازین قاباغیندا آچیق آیدین بویوردو: « بیزیم دینیمیزده امانته خیانت ائتمه ک بؤیوک گوناهلارداندیر . سنه لازیمدیر کی قویونلاری آپاریب صاحابلارینا چاتدیراسان »
او پیامبرین امرینه اطاعت ائتدی ، او ساعاتی دؤیوشده شرکت ائتدی و ایسلام یولوندا شهادت شربتی ایچدی.
بلی، پیغمبر(ص) حضرتلری نه تکجه جاوانلیق چاغیندا « امین » لقبی تاپمیشدی بلکه هر حال دا و هر زاماندا دوزلوک و امانتدارلیقدا باش ایدی . او محاصره ده ایکن بوتون سورولرین گلیب گئتمه سی قلعه ده آزادایدی و مسلمانلاردان هئچ کیمسه نین قویونلار اوچون ناتاراز باخماسی یوخ ایدی . چون اونلار پیغمبرین سایه سینده دوز بارا گلمیشدیلر. تکجه بیر گون اونلارین هامیسینا آجلیق چوخ بته ر اوستون گلدی ، حضرت دستور وئردی ایکی قویون سورودن دوتوب ، قالانین بوشلاسینلار تا آزادلیقلا قلعه یه گیرسینلر. و اگر چوخ نایراحاتلیق اوز وئرمه سئیدی بو ایشه ده ال آتمازدیلار. بونلا بئله هر واخت سربازلاریندان آجلیق باره سینده شیکایت ائشیتسئیدی اللرین گؤیه ساری دوتوب و بویوراردی: « ای منیم تانریم! بیر قلعه کی یئمه یین لاپ اورتاسیدیر سربازلارین اوزونه آچ ! » و هئچواخت اجازه وئرمه زدی فتح سیز خلقین مال داوارینا ال اوزالتسین.
قایناق: کتاب فروغ ابدیّت. آیت الله سبحانی ، ص ۷۲۹
چئویره ن : الف.عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz