پاییزدا گؤردویو گؤزلـر

پاییـــز گونلری نین بیری ایدی و او
غریب بیر شـــــهر ده اوغلونون دالیجا
گزیردی . یئددی یاشیــــندا ایتیردیگی
اوغلو ایندی اون بئش یاشیندایدی .
اوگـــــــون کی اَری اوشاغینی الین دن
آلمیشدی بیر سینما پرده سی کیمی گؤزونون قاباغیندا یدی .
ایندی الین ده کی بیر ایپ اوجوندان اوره ک پارچاسینی آختاریردی .
اسکی اری قیسقانج بیری ایدی و اونا شَح لی اولاراق اورتاق حیات لارینی داغیتمیشدی .
بوشاندیغی گون گوناهسیز بیری کیمی اود آلاو ایچره یاناراق ، حیاتی نین اَن گؤزل معنا سی دا کی ائولادی ایدی اوندان آیریلمشدی .
بوشاندیق دان سونرا تکجه ایکی یول ائده بیلدی ائو لادینی گؤره و بیرگون اونو گؤرمه یه گئدَرکن او ائو دن گئتمیشدیلر .
بوتون چابالاری اونلاردان بیر خبر توتماق اوچون بیر یئره چاتمادی و بو خبر سیز لیق ایللرجه سوردی . تاکی سگگیز ایل سونرا خبرینی باشقا بیر شهردن آلدی .
قلبندن کئچیردی کی گؤره سن نه قیافه ده دی و اونو گؤره رکن تانییاجاق می ؟ نئجه کی اؤزونه باخدیقدا بو سگگیز ایل اونو چوخ دَییشمیشدی یقین کی ائولادی دا ایندی بؤیوب و بوی بوخونو سیماسی تام دَییشیلمیشدی .
بو فاصیله ده او ائولن میشدی و ایکی قیزی وارایدی و اَری ندن خوش گونلر یاشاییردی .
آمما کئچمیشی و اؤزه لیک له ائولادینی هئچ اونودانمیردی .
استرس ایچره آددیم لارینی آتسادا ، گؤتوردو یو هر قدم ده اؤزونو اوغلونا یاخین حیس ائدیردی .
ائله ده اولدو و بیر قاپینی دؤیونجه قاپی یا گلن اوجا بوی بیر اوغلان ایدی کی خیردالیق دا گؤردویو گؤزلرله دوروب اونا باخیردی .
آناسینی تانیمادان اونون کیم اولدوغونو سوروشدو و او گؤزلری یاشارکن اسکی قایناناسی نی سوروشدو .
قایناناسی قاپی یا گلرکن بیربیرلرینی تانی ییب ایچری گیردی .قدیم اری ده ائو دَیدی .
اونون گلمه سی و اورانی نئجه تاپماسی اونلاری تَعَجّبه سالماسا دا، بیله سیــــنه خوش
گلدین دئدیلر .
نییه کی اوغــلانین ایصـــراری ایله بیله
سینه خبر یوللامیشدیلار.
آزچوخ کئچدیک دن سونرا اوغـــــلانا
دئدیلر آنانی باغرینا باس کی او ســـن دن
اؤتور گلیب دی .
آنا بالانین گؤروشو حســــرت لر ایچـــــــره و
گؤزیاشلاری ایچینده سورَرکن اوغلانین آتاسی دئدی :
” بودا آنان بالام . دئدیم کی خبری اولسا هرهاردا اولسا اؤزونو یئتیرَر.”
ایندی او پاییز گونوندن آیلار کئچیری و آنا اوغول بیر بیرلرینی گؤروب تیلفون لاشیرلار .
آمما ییخیلمیش بیر یووانین حسرتی اونلارین هر ایکیسینی ده اذیت ائدیر.
کئچمیش لر خاطیره اولاراق اینسانی او قده ر اینجیدیرلر کی بعضا واقعیت آدامی او قده ر ایجیتمیر.
علیرضا ذیحق

دیدگاه بگذارید

avatar
  Subscribe  
باخبر شدن از