ده نیز ده لی ، چای هـــــاوالی، سو قانلی
اوزمک اولمور، اوزمک اولمور، عزیزیم
اوره کلــــرین گؤرنه قده ر دردی وار
ایپه ساپا دوزمک اولمــــــــور، عزیزیم
*
داغدان یاغیر، داشدان یاغیر ســـــئواللار
یاغیش کیمی باشدان یاغیر ســــــئواللار
گؤزدن آخان یاشدان یاغیر ســــئواللار
نفس آلیب گزمه ک اولمــور عزیزیم
*
کیمی داغدان، کیــــمی دامدان ییخیلار
باشیمیزین اوستونده دی قورخـــــــولار
باش – آیاقدی، قات – قاریشدی یوخولار
یوزماق اولمور، یوزماق اولمـــور عزیزیم
*
نه درد اولسا بیزه ســـــالیر مئهـــــــرینی
بیز چکیریک یئرین – گؤیون قهــــرینی
یازان یازیب، ائله باسیب مؤهــــــــرونو
بیر سطیرین پوزماق اولمـــــور عزیزیم
*
سونبول نه دی، ده ندن یاخشـی بیلیرم
داغ نه چکیر ، چن دن یاخشی بیلیریم
سن بیله نی ، سن دن یاخشـــــی بیلیرم
یازماق اولمور، یازماق اولمور عـزیزیم !
زلیمخان یعقوب