روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۸/۲۷
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 685
  • بازدید دیروز: 1,580
  • کل بازدید ها: 874,467
پول – پارا

آیلیغیمی آلمامیشدان قاباق بئینیمه بیر سؤز وورموشدی، اوناگؤره ده آیلیغی گودوردوم. آنجاق بوکی ایکی گون قاباق آیلیغی آلدیم و بئینیمه دوشموش سؤزوکی حقیقتا منه چوخ آغیرلیق ائدیردی یئرینه یئتیرمک ایسته دیم.
اوزون زامانلار ائوین اوشاقلاری چــــوخلو پول پارا گؤرمورلر، البته
ائولـــرین چوخوندا بئله دیر تکجه
بیزیم ائو دئییل. یازیق اوشـاقلار
پـــول پارا حاققیندا ائشیتدیکلری
ائله:
سو پولو،
تلفن پولو،
موبایل پولو،
ایشیق پولو،
گاز پولو،
مــــلّی بانکانین
آیلیق قیسطی،
فیلان بانکـــانین
فیلان وامی نین
اقساطی،
موسسه مالی و اعتباری فیلانین
وامی و … و بــــونـــــلارا تای
سؤزلردیر.
بئچارالارا هئچ قیسمت اولمورکی
آتانین امه یی نین آیلیـق گه لیری
نین هامیســــــینی بیر یئرده
گؤرسـونلر. ائله پول-پارادان
سـؤز آچیلدیکی رحمتلیک
مـــــیرزه علی اکبر صابیرین
شعری یادیما دوشدو:
سندن ال چکمزدیم
اولسئیدی الیمده اقتدار
لاکن اجبارا اجل ائیلر
منی سندن کنار
جانیم آغزیمدان چیخینجا
سؤیله رم بی اختیار
نور چشمانیم می سن ای
پول جانیم می سن
مذهبیم دینیم می، آئیینیم می ایمانیم می سن
میرزه نی هوپ هوپ نامه کیتابینی آرادیم و کیتابلارین ایچیندن تاپدیم. بیر آز اوخودوم ایچیمی چالخالادی…
آنجاق سؤز بو کی بانکایا گئدیب و آیلیغیمین هامیسینی بیر یئرده حسابیمدان چکیب ییغدیم چانتامین ایچینه.
ائل آراسی دئییم وار (پوزو عالی جیبی خالی) من اولاردانام. دئمه لی یم دوزدورکی منیم گؤرونتومه باخان هئچ اینانمازکی منیم چانتامدا پارا وار، آمما قورخو منیم جانیمی آلمیشدیر و دؤرد گؤزلو چئوره می گؤزله ییردیم. بیرآزدا او شولوق اوشاقلار کیمی کی بیر بارا وئرنده اؤز داورانیش لاری لن آنا آتانی شوبهه یه سالیب و نه اولدوغونو بیلدیررلر منده ده ائله او وضعیت یارانمیشدیر. داورانیشیم هامییا قیشقیریردیکی منده چوخلو پارا وار. دوزونوده دئسم بوکی من هئچ او قده ر پارانی نئجه داشییارلار بیلمیردیم هئچ تجروبه ائتمه میشدیم.
سونوجدا چانتامی باغلاییب عادیجه آتدیم لاریله بانکادان ائشیگه یوللاندیم، شوبهه منی چولغالامیشدی.
ائله بیلیردیم: هامی اوغرودور ، هامی یول کسن دیر ، هامی منه اَیری باخیر…
خولاصه ایکی قیران پول، جانیمدان آرتیق سئودیگیم خالقیمین هامیسین منه اوغرو تانیتدیریردی.
آمما منده پارا اولااولا شهریمیزده زحمت چکن ماتورچو قارداشلاردان و یا آغالاردان کی چانتا قاپماغ اوستاسی دیرلار هئچ بیریسی منه یاخین گلمه دی و دئدیگیم کیمی منی پوللو پارالی بیرینه بنزتمه دیلر. البته بو آرا بیر کَلَک ده ووردوم ها، اودا بوکی آلدیغیم درگینی آلدیم الیمه و اوخویا اوخویا یوللاندیم بئله سینه هامی یاخشی بیلیرکی بئله اینسانلاردا پول-پارا اولماز. هامی اونلارا سایقیلی باخار آمما ایچریدن اورکلری یانار. آنجاق من دینجلیکله ائویمه یئتیشدیم.
ائو اهالیسی حایات یولداشیم و بالالاریمی ییغدیم و دئدیم کی چوخ معنالی و دادلی دوزلو بیر گون یاشماغی نئچه گون قاباق آیارلامیشام و بوگون اونو یاشامالی ییق.
اورتالیغی توپلاتدیم و هره نین الینه بیر بسته پول وئردیم.
آچیب سَپه له دیک، پول لار فیرلانا فیرلانا گه لیب یئره دوشدولر.
بیز اونلاری یئنه ده گؤتورب آتدیق گؤیه و یئنه ده اونلار یئره دوشدولر.
یئنه بیز یئنه اونلار، هامان سو هامان کاسا دئمیشلر، دوشدولر یئره.
اوز توتدوم بالالاریما دئدیم: گؤرورسوز اوشاقلار بیز پارالاری آتیریق گؤیه و اونلار دوشورلر یئره، دئمه لی بیزیک کی پارانی گؤیه قالدیریرق پارانین بیز اینسانلاری هئچ یئره قالدیرماغا گوجو یوخدور، حتی اؤزلری نیده گؤیده ساخلایا بیلمیرلر…
یئنه ده اونلاری آتدیق گؤیه و اونلار دوشدولر یئره.
یورولدوق آنجاق اوزاندیق پارالارین اوستونه،
یاتدیق پارالارین اوستونه،
یازیق پارالار آیاقلاریمیزین آلتیندا قالدیلار…
بیز هامیمیز هایلاشیب، گولوشوب، قاققیلدادیق، اوزاندیق پارالارین اوستونه.
شام سوفرامیزی آچدیق، یئنه ده پارالار قالدیلار یئرده.
شامدان سونرا یئنه ده اوینادیق،
یئنه ده قیشقیردیق،
یئنه ده هایلاشدیق…
و آنجاق یئنه ده یورولدوق.
یازیق پارالار،
یئنه ده قالدیلار یئرده…
یورقان دؤشه گیمیزی سالیب یاتدیق.
یئنه ده پارالار قالدیلار یئرده.
یاتماق ائله دینجلتدی کی بیزی هئچ دئمه یه گلمز. سحر تئزدن دوروب اوخولا و ایش یئرینه گئتمه لی دیک. اویخودان دوردوق، پارالار آیاقلاریمیزین آلتیندا ازیلدیلر، سیندیلار… و بیزه باخاباخا قالدیلار.
هامی میزین گؤزوموزون و اوره یی میزین هوس اودو سؤنموشدی، هئچ کیم پارالاری سایمیردی و اونلاری دینله مک ایسته میردی. یازیق پارالار، هئی حسرتله باخیردیلار… یئتیم اوشاقلار کیمی بیری نین اونلاری دیندیریب و سئوه له مه یینی آختاریردیلار.
هاممی یئمه یینی یئییب، پالتارلارینی گئییب و یوللاندیلار…
پارالار قالدی باخاباخا،
هئچ کیم اونلاری دیندیرمه دی،
هئچ کیم اونلاریلن قوجاقلاشیب اؤپوشمه دی…
آمما بیز سئوگی له بیربیریمیزی قوجاقلاییب اؤپدوک و اوغورلو گون آرزیلادیق بیربیریمیزه، و پـــــارالار بیـــــزیم سئــــوگی و
مئهــــــربانلیغیمـــــیزا حســــرتله
حوزونتویله باخاباخا قالدیلار.
هامـــمی ائودن چیخـــدی، من
قالـــــدیم بیرده پارالار، هامیسینی
بیربیر توپلاییب آپاردیم وئردیم بانکالارا، سو، ایشیق، وام، گاز، تلفن و باشقا آیلیق قسط لاریمیزا.
یئنه ده آخشام اولدو و هامیلیقجا
ائوه توپلاندیق، پارالار
یوخ ایدی، آمما:
سئوگی بول ایدی،
مئهربانلیق بول ایدی،
محبت یول ایدی،
گولوش بول ایدی،
قاققیلتی بول ایدی،
سالاماتلیق بول ایدی،
سایقی بول ایدی،
ساده لیک بول ایدی،
بیرلیک، صداقت، بؤلوشمک، دؤزوم، یاردیم، ســــعادت، خوشـــــباختلیق،
قوجاغلاشماق، ال اله وئرمک،
اؤپوشمـــــــک، اومید، آرزی،
یولداشلیق و حیاتی گؤزللشدیرن
پولســــــوز-پاراسیز وارلیق لار
هامیسی بول بول ایــدی و بیزی
گه له جه یه دوغــــــرو یاردیم
ائدیردیلر. بیز اونــــــــلاردان
یارارلانـــــــدیق و هر زامان
یارارلانیریق. بو گؤزه ل حیاتی
سیزلره ده آرزو ائدیریک.
ساغ اولون شاد یاشایین.
یازار:
تبریز – اکبر رضایی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز