پیغمبر(ص) حضرتلری نین نه سایاق دانیشماسی

پیغمبر(ص) ، ائل ایچینده هامی دان آیدین و شیرین دانیشان ایدیر.
و بویوروردی: من عربلرین لاپ شیرین و یوموشاق دانیشانییام و بهشت اهلی محمد (ص) سایاغیندا دانیشارلار.
او حضرت آز دانیشان و یوموشاق دانیشان ایدیر. و دانیشاندا بئکارا و قوُلای سؤز دئمه زدی. و سؤزلری قیزیل مینجیق تکی بیر بیری نین دالیجا دوزوله ردی.
خانیم عایشه(س) حضرتلری بویورور: پیغمبرین دانیشیغی یاواش و منظّم ایدیر.
بیر حالدا کی سیز داغینیق دانشیرسیز! پیغمبرین سؤزلری حئیرته سالان ایدیر ، و ییغجام دانیشاردی . نه چوخ و نه آز. ایکی سؤزون آراسیندا بیر آز دایاناردی تا ائشیدن سؤزو آلسین.
ائل ایچینده هامی دان چوخ شیرین کلام ایدیر. چوخلو سوساردی و لازیم اولمایان یئرده دانیشمازدی .
یامان و قوُلای سؤز آغیزیندان چیخمازدی . اگر مجبور اولسایدی کی خوشا گلمه ین بیر سؤزو بویورسون ، اونو کینایه کیمی دانیشاردی و سؤزلری صلاح و نصیحت اوستونده اولاردی.
قایناق: مجله معرفت » بهمن ۱۳۸۵ – شماره ۱۱۰،
نویسنده : فاضلی، خادم حسین
چئویره ن: الف. عظیمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz