پیچ کانگورو ( سیسوس )

بو نوع بیتگی نین اوچ یوز اللی نوعو واردیر. همیشه یاشیل و دیرماشان گوللردندیر. پیچ گانگورانین اصل یئری اُسترالیا اؤلکه سی دیر و اوجالیغی آلتی مئتیره دک چاتیر.
پارلاق و یاشیل یارپاقلاری یومورتا شکیلینده دیر . یارپاقلاری نین قیراقلاری اوجو بیزلی، دیش دیش دیر.
یارپاقلارین اوزونلوغو اون سانتیمئتیردیر. بو بیتگی دن آسلاق حالدا دا (آویز حالتینده ) فایدالانارلار. بو بیتگی اوچ مئتیره دک قول قاناد آچیر و پیل وورماق ایله ده چوخلار.
بو بیتگی نین نوعو چوخدور آمما اصل تانینمیشی پیچ کانگورودور ، همیشه یاشیل بوته دیر و پیچلردن یاردیم آلماقیله تئز یئکه لیر.
یارپاقلاری ائنلی و اوجو بیزدیر. بو نوع بیتگینی ائوده ساخلاماق آساندیر. هم ایستی یه داوامی چوخدور هم سویوقا. هم ائوین ایچه ریسینده ساخلاماق اولار هم ائشیکده .
آییق اولون: بو گول گره کدیر گون آلتیندا اولماسین. و دیبی زیغ قالماسین.
بو نوع بیتگی ائوده بیر هاوادا قالسا گوله گئده ر و آبی رنگ ده کیچیک میوه وئره ر .
قایناق: ویکی پدیا
چئویره ن: الف. عظیمی بیلوردی

دیدگاه بگذارید

avatar
  Subscribe  
باخبر شدن از