روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۰/۳۰
چارلی چاپلی‌نین ســـونونجو فیلم تئکنیکی اوندان عیبارت
اولمـــــوشدور کی کئچمیش روسیه رسمی‌لریندن آلدیغی
اؤدولون یاریسینی بیر ایشچی خئیــریه جمعیتینه باغیشلادی.
دوغروسو، بو ایش یوخسول و ایشچی‌لر آراسیـــندا بیر نوع
طبیعی مساواتچی‌لیغین یارانماسی آنلامیــــــندادیر. چونکی
چارلی ایشچی‌لری همیشه یوخسول بیلیردی: اونون فیلم‌لری‌نین انسانی گوجو ده ائله بوندان آسیلی ایدی. البتده کی اونلارین سیاسی قارانلیقلاری دا ائله بوندان تؤره‌میشدیر. بو مسئله اونون «یئنی چاغ» فیلمینده داها بدیعی شکیلده گؤرونور. بورادا، چارلی ایشچی‌لیک مضمونونو هئچ‌ده اونوتمور. آمما هئچ واخ اونا سیاسی باخیمیندان دا یاناشمیر. او ایشچی‌لری هله‌ده، قاندال‌لی، کور و اؤز ساده طلباتلاری‌نین و آغالارا قول اولمالارینی گؤستریر. اونون فیکرینجه ایشچی‌لر هله‌ده آج انسانلاردیلار. چارلی‌نین فیلم‌لرینده، آجلیغین گؤرونوشو همیشه ائپیک‌جه‌سینه‌دیر (حیماسی): ساندئویچ‌لرین حددیندن آرتیق بؤیوکلویو، سودله دولو قانوولار، زنگین‌لرین دیشله‌دییی مئیوه‌لر و اونلارین تیکه‌سینی سایمازیانا یئره آتماق، و اونون گؤستردیی انسانلار، آجلیغا قاپیلیر، سیاسی شعوردان اوزاقدیرلار. اونون فیکرینجه کوتله‌وی نوماییش‌لر (اعتراضات عمومی) بیر نوع مصیبت‌دیر: چونکی آجلیقدان کور اولموش انسانی قورخودور. بئله بیر آداملار ایشچی‌لرین موقعینی دویا بیلمز، تکجه یوخسول و ایشچی‌لرین تضییق‌لر سونوجوندا بیرلشمه‌لری اونلاری قورتارا بیلر. تاریخی باخیمدان چارلی تخمینا ۱۹ – جی عصرین ایشچی‌لرینی نظرده توتور: چونکی اونلار، ماشینیزمه قارشی دورور، کوتله‌وی نومایش‌لردن یورولوب و تکجه بیر تیکه چؤره‌یه دوشونور. اونلار هله سیاسی ندن‌لری تانیماق و کوتله وی نومایشین گره‌کلییینی دویمامیشلار.
آنجاق چارلی اونا گؤره سونسوز صحنه قابلیتینه مالیکدیر کی شعورسیز و انقلابچی دوشونجه‌لردن اوزاق اولان ایشچی‌لری عکس ائدیر. هله توپلوما مئیل‌لی اولان هئچ بیر اثری ایشچی یاشاییشی‌نین پیسلیک‌لرینی بو قدَر شدتلی و الی آچیق عکس ائتدیرن گؤرمه میشیک. اولا بیلسین کی تکجه برتولت برئشت بو ضرورتی دویموشدور کی سوسیالیستی بدیعی اثر همیشه انسانین، انقلابدان اؤنجه دورومونو نظره آلمالی‌دیر: بئله بیر انسان یالنیـــز اولاراق
هم‌ده کوردور؛ و تکجه تضییق‌لر
سونوجوندا انقلابچی آنلامینا یئتیشمـــــک
حدینده دیر. حال بو کی چارلی، برئشت کیمی
کورلوق و شعورسیزلیغی ائله تاماشاچـــی لارا
گؤستریر کی تاماشاچی هم کـــــــــورو و هم‌ده
کورلوغون بدیعی نوماییشینی گؤرور. کور بیـــــــر
کیمسه‌نی گؤرمک، أن یاخشی و ائتکیلی باخیش آچیسی (زاویه دید)دیر کی کور اونو گؤرمه‌ییر: اؤرنک اوچون: چارلی دوستاقدا، دوستاغبانین سئوگی و سایغیسینی گؤرمکله، اؤزونو آمریکانین زنگین‌لریندن (ثروتمند) سانیر، بیز اونو یاخشی گؤروروک «لینکولن» کیمی‌قیچینی قیچی‌نین اوستونه آشیراراق، گونده‌لیک‌لری واراقلاییر: آنجاق اونون بو تقدیره لاییق حرکتی، اونون اعتبارینی آزالداراق، ساختاکارلیغی و باشقالاری‌نین یامسیلاماسی هئچ‌ده آلینماییر؛ یئنی و باشقا دورومدا قوللوغا اوغراییر. بئله‌لیکله حتتا أن کیچیک بئله باغلی لیق دا، یارارسیز اولاراق یوخسوللوق آراسیندا باغلانتی هر آن قیریلیر. ائله بونا گؤره‌ده چارلی‌نین کاراکتئرلری هر شئیی یه غلبه ائدیر: چونکی او بوتون باغلی لیقدان ازاددیر؛ و بئله آدامین، انسانی وارلیغی تکجه اونون یالنیزلیغی دیر. اونون آنارشیزمی– سیاسی باخیمدان شوبهه‌لی‌دیر – صنعت باخیمیندان بلکه‌ده انقلابین أن ائتکیلی‌جهتی‌دیر.
رولان بارت –
فارسجادان چئویرن : همت شهبازی
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید