روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۹/۲۶
روزنامه ساقی آذربایجان
چین ختمی سی (ختمی چینی)

چین ختمیسی گولو هامییا تانیش و هامی نین توجّهین جلب ائدن بیتگی لردندیر. گوللری یئکه و قیرمیزی رنگده دیر. عؤمرلری آز دیر. یازین اورتا آییندان پاییزین اورتا آیینا دک گوله دولار.
بو نوع بیتگی نین چوخ ایشیغا نیازی واردیر. آمما یایین چوخ ایستیسی ختمی نین گولونه و یارپاغینا اثر سالیر.
ختمی نین ایستی لیگی یازدا و یای دا ییرمی درجه اولمالی دیر. آمما ییرمی یئددی درجه یه دک ده داوام ائده بیلیر.
قیش دا بو بیتگی نین هاواسی نین ایستی لیگین اون اوچ درجه یه دک آزالدین!
یای فصلینده، آزی هفته ده اوچ دؤنه سووارماق ایسته ییر. اگر گولدان دا بئجه ریلسه ، هئچ واخت اجازه وئرمه یین کی سو گولداندا دایانیب ، گولدانین ایچین زیغ ساخلاسین. آنجاق گره کدیر گولدانین تورپاغی کئشه لمیش اولسون. قیشدا او زامان سو وئرین کی تورپاغین اوستو بوتونجه قوروموش اولسون. معمولاً قیش دا هر ایکی هفته دن بیر دؤنه سو وئرمه ک کیفایتدیر.
یازدا و یای دا هر ایکی هفته دن بیر سولو کود وئرمه ک داهادا آرتیق گوللری نین یئکه و ماراقلی اولماغینا سبب اولار.
بو بیتگی اوچون یاخشی تورپاق، « لوم » و « پیت » قاریشیقدیر.
هر ایل یاز چاغیندا گولدانی دَییشیب قاباقکی گولداندان بیر آز یئکه سینه گئچین. اگر گولدانی یئکه اولسا ، اوزدن تورپاغین گؤتوروب گیرگلی تورپاقیله گولدانین گوجلندیرین.
چین ختمی لرین ائوده گولداندا ساخلاساز ، سو توزو سه پمه ک ایله یارپاقلارین ایشیقلی ساخلایین!
بو نوع گولو یای دا پیل وورماق ایله چوخالتماق اولار.
چین ختمی لرین بعضی نوعلاری ساری و نارینجی رنگ ده بازارا وئریلیر. گوللری نین ایکی گوندن آرتیق داوامی اولماز و اگر یئری نین شئهی آزالسا غونچالار آچیلمامیش تؤکوله رلر، آنجاق سو توزو سه پمه ک بو ایشین بیر آز قاباغین آلا بیله ر .
گلن ایلده چوخ و گؤزه ل گول وئرمه ک ، بونون نئجه داللانماغینا باغلیدیر. قیشین سونلاریندا بو بیتگی نین قول – بوداقلارین یاری دان داللاییب آزالدارلار .
بو بیتگی اوچون بعضی درمانلار:
– اگر گؤرسه ک قوللاری چوخ اوزانیب و یارپاقلارین آراسی چوخالیبدیر، یازدا آرتیق قوللاری که سه ریک.
– اگر گؤرسه ک بیتگی سوُزالیبدیر و یارپاقلاری نین هامیسی اؤلوشگه ییر ، بیله ریک هاوا چوخ ایستی اولدوغونا ، بیتگی سوسوزدور و تئز سوواراریق.
– اگر گؤرسه ک یارپاقلار اؤز شکیلین الدن وئریب و نارین یاپیشقان حالدا قوردلار اؤستونده گؤرسه نیر، بیتگی نی قورد اؤلدوره ن سمّیله هر ایکی هفته دن بیر سمّ سه پمه ک ائده ریک.
– اگر یارپاغین اوسته پانبیغا اوخشار آغ یارالار گؤرسه ک ، بیله ریک کی قوردو واردیر و سمّ ووراریق.
– اگر گؤرسه ک گوللر آچیلاندان بیر گون سونرا تؤکولورلر، طبیعی بیر ایشدی و عؤمورلری بیر گوندور .
– اگر گؤرسه ک نارین یارپاقلار قالیر و گوللر آچیلماییر، بیله ریک کی تورپاغی نین گیرگی آزالیبدیر ، هر ایکی هفته دن بیر سولو کود وئره ریک.
– اگر گؤرسه ک یایدا یاشیل یارپاقلار تؤکولورلر، بیله ریک سویو آرتیق وئریلیبدیر ، یادا کی کؤتوگو چوروموش حالیندا دیر. تورپاغین کئشه لمه سینه گؤز قویون و دؤزون بیتگی نین تورپاغی هـر ایکی سووارماغین آراسیندا دوزگون قوروسون.
– اگــر بو نیشانه لـر قیش دا گؤرسه نسه ، بیله ریک کی چوخ سویوقلوقداندیر و بیتگینی ایستی یئره آپاراریق.
قایناق: اینترنت /
جامع ترین ژورنال گل و گیاه ایران
چئویریب آرتیران: الف.عظیمی بیلوردی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز