کرفس ، فایدالی خوُره کلردن

کرفس بیر نوع بیتگی دیر کی اوندان هر جوره یئمه کده فایدالانماق اولار. فرانسه ده بیر مَثل واردیر کی دئییرلر:
اگر دونیانین آداملاری بیلسه لر کرفس بیتگی سینده نه فایدالار واردیر ، بوتون زمی لرینده کرفس اکه رلر.
کرفس بیتکی سی نین ده یه رلی فایدالاری بونلاردان عبارتدیر:
– کرفس ده ویتامین آ ، ویتامین ب و چوخلو بدن ایسته ین ویتامینلار واردیر و بدنی گوجلندیرمک اوچون فایدالی دیر.
– بو یئمه لی ده ویتامین ث چوخ اولدوغونا ، ناخوشلوغون قاباغین آلماقدا یاردیمدیر.
– کرفس، توک و ده رینی جاوان ساخلار.
– هفته ده بیر ایکی لیوان کرفس سویو ایچمه ک ده رینین گؤزه للنمه گینه سبب اولار.
– قانین فیشارین آزالدیب بیر میزان دا ساخلایار.
– سرطان ناخوشلوغونون قاباغین آلماقدا یاردیمدیر.
– « آسم » و « آرتروز » ناخوشلوغونا فایدادیر.
– شیشمه گین ( التهابین ) قاباغین آلار.
– اعصابی دینجلده ر .
– یوخوسوزلوغو آرادان آپارار.
– کؤکه لمه گین قاباغین آلار.
– قانین یاغین آزالدار.
– کرفس بؤیره ک و مثانه یولون تمیزله ر .
– بؤیره ک داشین آرادان آپارار.
– لثه لری برکیده ر .
– آغیزین پیس قوخوسون آرادان آپارار.
– قوجالماغین قاباغین آلماقدا یاردیمدیر.
– یاددا ساخلاماق گوجون ( حافظه نی ) بئیینده چوخالدار.
– آییق اولون: کرفس بویلو قادینلار اوچون یاخشی دئییل . بویلو قادینلار کرفس یئمه سینلر چون اوشاغین دوشمه سینه سبب اولار.
– کرفس سویو « قند » ناخوشلوغو اولانلار اوچون چوخ فایدالی دیر.
– داریخمانین قاباغین آلار.
– سه س آچیلماق اوچون کرفس دن فایدالانین و هر حالدا ( سالاد ، خام ، پیشمیش ) یئمه ک فایدادیر.
– کرفس یئمه ک « پیسی یا جوزام » ناخوشلوغونون قاباغین آلار.
– اونلارین کی « آسم » ناخوشلوغو واردیر ، پیشمیش یا خام کرفسین سویونا آزجا لیمو سویو قاتیب ایچسینلر.
– داماری دوتولانلار کرفس سویو ایچسینلر.
– کرفس اشتها آچاندیر.
– آریقلیغین قاباغین آلماق اوچون کرفسین یارپاقلارین دوغراییب سالادا قاتین مئیل ائدین.
– اگر آغیر سویوق ده یمه ز اولسا کرفسی دوغرایین و بیر آزدا سوغان دوغرایین ، لیمو سویو ایله قاتیب مئیل ائدین.
– تاپشیریلیر: کرفس یئمه لی سین گونده یئمه یین. اسهالی اولانلار کرفس یئمه سینلر.
قایناق: اینترنت /
چئویره ن: الف. عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz