کوروتون

بو بیتگی آپارتمانی گوللرین ایچینده رنگلی و گؤزه ل یارپاقلی اولان گوللردن دیر و اونون یارپاقلاری نین نئجه خوش رنگ و گؤزه للیگی خوشا گلیم و باخیش چوخالداندیر.
بو بیتگی چوخلو شئحلی تورپاقی سئوه ر . اونا گؤره بو گؤلو یئکه گولدانلاردا آیری گوللرین یانیندا اکه رلر تا اونلارین شئحیندن ده فایدالانسین.
بو گولون یئری گره کدیر ساکت ، هاواسی دولانمایان و ایستی بیر حالدا قالان اولسون.
بو گولون قیش گئچیرتمه سی چتین دیر. آنجاق چوخلو بو گولدن یاز و یای فصلیندن فایدالانارلار. دوزدور کی شئح ایسته ین دیر آمما گره کدیر گولدانی نین تورپاغی سو ساخلامایان اولسون و باتلاق جورله مه سین.
بو بیتگی نین یارپاقلاری رنگلی اولدوغونا ، یئری گره کدیر ایشیقلی و گونه وه ر اولسون.
یای دا اوچ دؤنه و قیش دا بیر دؤنه سووارماغا نیازی واردیر.
بو گولون تورپاغی یونگول اولمالی دیر و هردن ده سو توزو سپمه ک ، شئحلی ساخلاماق اوچون لازیمدیر.
بو گؤزه ل بیتگینی پیل وورماق و اوست قوللارین گؤیده ( بیتگی نین اوسته ) کؤتوکلندیرمکله چوخالتماق اولار.
بو گولون یارپاقلاری قوروسا ، شئحی نین آزالماسیندان دیر. چون بو بیتگی چوخلو سویا و شئهلی تورپاغا نیازی واردیر و گره کدیر واختیندا سوواریلسین و هردن ده بیر اوستونه سو توزو سه پیلسین.
بو گولون تورپاغی قورویاندا سووارین چونکی تورپاق چ وخ سولو قالسا ساقه سی چورویه ر.
اگر بو گول گونه وه ر یئرده قالماسا رنگلی یارپاقلاری یاشیل رنگه چالار.
اگر بو گولون هاواسی بیر قراردا قالماسا و تئز تئز هاواسی ده ییشیلسه یارپاقلاری خزان ائده ر.
اگر بو بیتگی نین آشاغی یارپاقلاری تؤکولسه بیلین کی هاواسی سویوقلاشیبدیر.
قایناق: اینترنت /
چئویره ن: الف. عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz