روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۰/۲۹
اوْلــــسا یوکسک مقامین، چوْخلودا ثروت، کیشی‌سن
قسمـــــــــت اوْلســـــا سنه عالم‌ده سعادت، کیشی‌سن
آنا ســـــــــؤیلر کی: «اگــــــر آروادی مجبور ائده‌سن
ائله‌یه عؤمرو بوْیو من‌دن اطــــــــاعت، کیشــــــی‌سن»
باجی‌نین فکــــــری بودور کی، سن ائوینـــــده قادینی
قوْیاسان ایل‌لر ایله خوْش گــــــونه حسرت، کیشی‌سن
قادیــــــنین‌دا نظـــــــرینده، آنانی، هــــــــــم باجی‌نی
ائتمه‌سن ائوده قوْناقلیـــــق‌لارا دعــــــــوت، کیشی‌سن
اوْ دئیه‌ر: «آغــــزینا چال هم آنانین، هم باجــــــــی‌نین
بولار ائتمه‌زسه بیــــزیم ایش‌ده دخالت، کیـــــشی‌سن»
باجـــــاناق بیر آرابا گؤردو، تئز ایســــــــــتر سیویچی
«پئژو» نو وئرسن اوْنا هـــــــرگون امــــانت، کیشی‌سن
قارداشین ایستیـــــــــری تئز- تئز اوْنا ضـــامن اوْلاسان
ائله‌ســـن بوْرجلو دوشن گون‌ده ضــــمانت، کیشی‌سن
قـــایین، عسکرلیگی وئرمیش باشا، ایـــــش‌سیز دوْلانیر
ســرمایا وئرسن، اوْدا ائتسه تجـــــــــــارت، کیشی‌سن
قوْنشــونون اوْغلو، سنین اوْغلــــــــــونو هئی تاپدالاییر
دینــمه‌ییب، گؤستره‌سن بوْللو نجـــــــــابت، کیشی‌سن
تعظیم ایســتیر رئیسین گون‌ده اوْتوز- قـــــــــیرخ دفعه
گــون‌ده یوز یوْل ائده‌سن عرضِ ارادت، کیـــــشی‌سن
قــصابین- باققــــــــالین البته تــــــــــــــــوقع‌لری وار
سوْرماسان‌کی: «نییه‌بس قالخیری قیمـــت؟» کیــشی‌سن
دوْستلارین لُطفو سنه چـــــــــــوْخ‌دور، ارادت‌لری وار
شام- ناهاردا وئره‌سن یاغلی ضــــــــــیافت، کیشی‌سن
ایل‌ده بیر سئـــــــــــــچگی اوْلور، مین‌لر آدام کاندیدا
هامی‌سیــــــــندان ائله‌سن دوزگون حمایت، کیشی‌سن
کیم «ســـــــــــلام» سؤیله‌دی، وار حقّی سنین بوْینوندا
قــــــــــوربان ائتسن اوْنا جان‌لا مالی راحت، کیشی‌سن
کیـــــــــشی گؤردوم سنی «آرش»! جانینا آند ایچیره‌م
سن اؤل‌ها…، چون‌کی وارین بوْللو حماقت، کیشی‌سن
حمید آرش آزاد
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید