سؤیله‌یین بیر گؤروم کیمدیر بو چیلله،
آلاودا یاندیریب تینده بوغورســـــوز؟
جوجه‌لر قانلیسی تولکـــــــودور مگر؟
یوواسین اوتلاییــــب ایتله قووورسوز؟
***
ناغدا تک باشینی تومارلایــــــــارکن،
سؤیلورم یوخ قیزیم، یانیلما آرتیــــــق،
بو چیلله نه قورددور، نه ده تولکــودور،
نه ده شر گیزله‌نن کؤهنه داغـــــارجیق.
***
اوزونلو گئجه‌دن بئزیــــــــــکن زامان،
خیاللار آتینی تومارلار انـــــــــــــسان،
پیس گونون ائنیندن بویونــــــدان کسر،
قیسسالدار عؤمرونو بودارلار انســـــــان.
***
پیس گونون عؤمورو اوزون اولســــا دا،
خورسانیر، دیه رده(؟) انســــان اسگیدن.
سازاقدان، شاختـــــــــادان آغیر نفرتین،
بئلنچی بیلدیریب انســـــــــــان اسکیدن.
***
شاختانین قوینوندا، قـــــــــــاردا، بوراندا،
انتظار گؤزومـــــــــــــــوز یئنه یازدادیر،
دیدرگین بولبــــــــــولون، تالانان یازین،
نغمه‌سی اورکده، ســــــــــؤزو سازدادیر.
***
دؤزومون الیله انســــــــــــــان هر زامان،
کدرین اونودوب، دوگـــــــونون آچیب،
قیش عؤمرون دوغــــراییب، بودارلاماقدا،
حکـــــــــمت‌لر گیزله‌نیب معنالار یاتیب.
***
یامانین دالینجا قیــــــــــــــزیم هر زامان،
رسمیدیر چالینار بیـــــــــــــر قارا بایداق،
معناسی بودور کی یامانـــــــــــین سسی،
سال آتدان اوجالسین، دؤنمه‌سـین آنجاق،
***
آز یاشا، دوز یاشا سن ده عؤمـــــــرونده،
اومیــــــــدلر دینله‌دن اینجه بیر ساز اول،
اوزونلو قیــــــش اولما، بئزدیریب یوران،
خلقیوه بیر گونلوک باهـــار اول، یاز اول.
***
بیر اوزون یاز اولسون، بیر اوزون ده قیش،
یاخشی‌یا، یاخشی اول پیســــــینن آتیش،
ناغیللار بزگی پریــــــــــــــــــلر کیمی،
باتلاغا باتانین الیـــــــــــــــــندن یاپیش،
***
ائله قایغــــــــــــــی چکن آز دا یاشاسا،
ائل اونا ابـــــــــــــــدی حیات باغیشلار،
اوزالدار عؤمرونو آرزیــــــــــلار کیمی،
آدینی سیلنمز یاغان یاغیـــــــــــــــشلار.
***
داغ بویو کول اولما بیر آز ســــورمه اول،
گؤزللر گؤزونه یاخســــــــــــینلار سنی،
یانگیلان یاغ کیمی حق چیـــــــــراغیندا،
اورکده یاشاتسین قالانـــــــــــــلار سنی.
***
حیاتین اولماسین پولاد اؤز قیلینـــــــــج،
شیمشک تک ظالیمین الینده شاخســـین،
بیر گونلوک چیچک اول گؤزللر ســنی،
سئوینجله قوپاریب، یاخایا تاخســــــــین.
***
قورشون تک داملاما حسرت گؤزوندن،
گولوش اول دوداقدا غنچــه تک آچیل،
یازلارا آداخـــــــــلان چیچکلر کیمی،
پارلایان قنـــــــدیل اول اورکده آسیل.
حیدر عباسی ( باریشماز )