روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۸
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 1,768
  • بازدید دیروز: 2,848
  • کل بازدید ها: 837,810
گؤرونمز ( اوشاق ناغیلی )

او گون ایلقار درسه حاضیرلیقسیز گلمیشدیر.چوخ قورخوردو کی،موعللیم اوندان ائو تاپشیریغی سوروشار.مکتبه یاخینلاشاندا هیجاندان آیاغینی گوجله سورویوردو.اؤز-اؤزونه دوشوندو:«نه اولایدی،گؤرونمز اولایدیم،موعللیم مندن درس سوروشمایایدی».
درس باشلاندی.موعللیم بیر-بیر اوشاقلارین آدینی چکیب گلمه ینلری قئید ائدیردی.اؤز آدینی ائشیدنده ایلقار یاواشجا «بوردایام،-دئیه دیللندی»اوشاقلار اطرافا بویلاندیلار.موعللیم ده بیر آز سوسوب صینیفه گؤز گزدیردی.«من بوردایام» – دئیه ایلقار برکدن قیشقیردی.
-گؤره سن نه اولوب کی گلمه ییبدیر؟- دئیه موعللیم نه ایسه یازدی.
ایلقار سئوینجیندن دیک آتیلدی«اوهو!دئیه سن من دوغرودان دا گؤرونمز اولموشام».او صینیفده گزیب بیرینین توکونو دارتدی،باشقا بیرینین قلمینی یئره آتدی.صینیفده چاخناشما دوشدو.هامی بیر-بیرینی گوناهلاندیریب،موعللیمه شیکایت ائدیردی.ایلقار او کی وار فیرتانا چیخارتدی.اونو نه گؤرور نه ده ائشیدیردیلر.ایلقار ایندی تام آزاد ایدی،ایسته دیینی ائده بیلیردی.او،مکتبدن چیخیب یاخینداکی دوکانا گئتدی.دوکانداکی سویودجودان بیر دوندورما گؤتوروب ساتیجییا یاخینلاشدی.پولو اونا اوزادیب دئدی:-زحمت اولماسا دوندورمانین پولونو چیخین.ساتیجی اونا فیکیر وئرمیردی.اؤز ایشینده ایدی.ایلقار اؤزونو ایتیردی.بیلمیردی نه ائتسین؟ اؤز-اؤزونه دوشوندو:«دوندورمانی گؤتوروب پولونو اؤده مه دن گئدیم؟ یوخ یاخشی دئییل.آخی بو اوغورلوق ساییلیر.نه اولسون کی منی هئچ کیم گؤرمه ییر!او دوندورمانی یئرینه قویوب دوکاندان چیخدی.
درسلر قورتارانا یاخین ایلقار مکتبه قاییتدی.صینیفدن چیخان اوشاقلارا یاخینلاشیب صوحبت ائتمک ایسته دی.آنجاق اونون بوتون جهدلری هدر ایدی.هئچ کیم ایلقاری گؤرمه ییب ،دویموردو.
ایلقار ائوه قاییتدی.مطبخده آناسینا یاخینلاشدی: آنا،من گلدیم.آنجاق آناسی اونا فیکیر وئرمه دن ناهار بیشیریردی:ایندی ایلقار بالام گله جک. منیم یئمه ییم ایسه هله حاضیر دئییل.
ایلقار قوناق اوتاغینا گئدیب اوزو اوسته دیوانا اوزاندی و آغلاماغا باشلادی:«من داها گؤرونمز اولماق ایسته میرم.ایسته ییرم کی آنام منی گؤرسون،یولداشلاریم منیله اویناسین،موعللیم مندن درسی سوروشسون…»
یازار: سید رضا حسینی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز