روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۱/۰۲
اوچدو گؤزلریمده سئوگى ائویمیز
داغیلدى کرپیجى وئرانا قالدى
سحرلر اوخشادیم اؤلن سئوگیمى
قانداللى باخیشیم دومانا دالدى
***
ندنسه ندنسه گؤرمورم سنى
باخیشیم تیکیلیب اوفوق دالینا
بیلیرم گئدرکن گؤرمه دین منى
قار توتموش کؤنلومون داغ ماحالینا
***
یاغدى گؤزلریمدن قانلى بنؤوشه
یاشادیم دردلرى ، یاشادیم سن سیز
اوره ییم اود دوتدو دؤندو آتشه
بیلمه دیم گئتدین مى هارایا من سیز
***
سایمادین باشیما نه گله جکدى
نه مندن اوتاندین نه ده آللاهدان
قاشلارین بیلمیرم نه چکه جکدى
بو سونکو ائتدیى قانلى گوناهدان
***
کدرلى گونلریم هله ده یاشیر
آغلایا آغلایا قارا گؤزونو
تایماز دردلرینى چئینینده داشیر
کیم چاتدیراجاقدیر سنه سؤزونو…
تایماز مییانالى
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید