گئتمه قال!

گئتمه قــــــــــال ای درد و درمانیم آماندیر گئتمه قال
قوی دئییم دیوانه یم چوخدان زماندیر گئتـــــــمه قال
وئر منـــــه فرصت گولوم تا گؤز تیکیم گول چهره وه
گئتمه کی سن سیز حالیم چوخ چوخ یاماندیر گئتمه قال
قوی دوتــــــــوم نازلی نیگاریم من سنین او اللرین
سؤیــــــــله ییم سندن صورا حالیم فغاندیر گئتمه قال
من دولاننام باشیوا قویما منی یالقــــــــــیز قالیم
گئتمه کی عاشق گؤزوم چندیر، دوماندیر گئتمه قال
سن منی دیندیرمه کی ایندیجه دی کی آغلــــــــــییام
گؤزلریوی ناز باخیشلا آز دولاندیر گئتــمه قال
گل بو یولدان سن قاییت یوخسا من اؤللم قالمــــارام
حیرانام سندن اؤتور من آیری یارا باخمــارام
معصومه قناعتی خامنه ( حیران )

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz