روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۱/۰۷
تؤکرم ز بس اوزه گـــــؤز یاشین
گئجه گونـــــــــدوز آه و فغانیلن
بویارام بو صفحــــــــه دن عاقبت
آدیمی بو اشـــــــــــــک روانیلن
بو طریق عشقــــــــــــده درد دل
منیلن همیشه هــــــــــــماش دیر
دؤزَرم قویوب گئچه بیلمـــــــرم
وار اونون رفاقتی جانیــــــــــــلن
نه دیزیمده تاب و توان قالیـــــب
نه بلایه دؤزمَیـــــــــه جان قالیب
نه اجل گلـــــــــیر منی قورتاریر
نه گونوم گئچـــــــــیر گذرانیلن
نه گؤزومده وار یوخـــــو یاتماغا
نه دؤزوم نیگاری اویاتــــــــماغا
گئجه صبحه دک دئییب آغلارام
یانارام بو سوز نهـــــــــــــــانیلن
هانی جان آلان کســــــه یانیمی
گله رحــــــــم ائده آلا جانیمی
یازیغام نئجه نیگـــــــــران قالیم
بئله دیده ی نگرانیــــــــــــــلن
بو کمند عشقـــــــــه اگر دوشه
قوجالار دیــــیه رلر جوان اؤلور
نییه مـــــن جوان ایکن اولموشام
قوجا بس بو عشـــــــق جوانیلن
من اگر بو یولــــــــدا اؤلم منی
سر کوی یارده دفـــــــن ائدین
بیری قبریم اوســـــــته اگر گله
تانیسین منی بو نیــــــــــشانیلن
بو اومیدیلن بوکولـــــوب قدیم
کی اولام نیگاریله همـــــــنشین
اوخ آتان بو نوکته نی تئــز بیلیر
دوز اوخو آتارلار کمـــــانیلن
باشیمـــــــــی کسنده او نازنین
منی قویماییـــن ال آیاق چالیم
بو خجالتــــــــه دؤزه بیلمه رم
بویانا اگر الی قانیــــــــــــــلن
نه قده ر رضایه دئدیـــــم رضا
بو نیگاره باغلاما بئل دئـــــدی
بئله رسمدیر سودیلــــــن گلن
گرک عاقبت چیخا جانیلـــــن
صراف تبریزی
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید