روزنامه کثیرالانتشار سراسری صبح ایران
به دو زبان ترکی و فارسی
۱۳۹۷/۰۸/۲۷
دولانیب چیخمیشام داغلار باشینا
کـــرم تک طوفاندا یاری گزیرم
محبت باغینـــدان میوه درمه دیم
ایتیــــــرب آلمانی ناری گزیرم
***
دوسلاریم یاد اولوب یاریم یاد اولوب
اوره گیم آچیلمیر بولوت تک دولوب
هایف کی گولشنین گوللری سولوب
بولبــــــولوم گئدیبدیر ساری گزیرم
***
گوزلریم چوخلارا محبت سالیب
وفالی کسلره تامــــــارزی قالیب
یازمیشام سوزلری دفتر قورتاریب
قلـمی آتمیشام تاری گــــــزیرم
***
محبت ائوینین سؤنور چـــراغی
پیلته سی قورویور آزالیب یاغی
اینسانلیغین وئران اولوب طوفاغی
خـرابه ایچینده واری- گزیرم
***
برکت گون به گون گئدیر آرادان
ائله بیل قارقییب بیــــــزی یارادان
تانرینین یاغیـــشی یاغمیر هاوادان
باخیرام بولــــــوتا قاری گزیـــرم
***
اینسانلیق غرق اولور یالانچی سوزده
دوزلر معــطل قالیر دولانیــــر دوزده
بئچــــارا «اصغرم» اوتانمــــاز اوزده
نامـــــوسی غئیـــرتی عاری گزیرم
اسدی اصغر. اسبخوان
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید
اولین نفری باشید که نظر میدهید!