گفتم – گفتا

گفتم : غمین قوجالتدی گفتا : اؤزون قوجالتما
گفتم : توکندی صبریم گفتا : سسین اوجالتما
گفتم کی : قالدیم از بس سن سیز گؤزل داریخدیم
گقتا کی : چوخ داریخما گنج عؤمرونو قوجالتما
گفتم کی : وعده وئردین گللم دئدین گؤزتله
گفتا : ائله دئدیم کی بیر آیری سیندا توتما
گفتم : هاچان بو باغین دررم آزاد باریندان
گفتا کی : قوی یئتیشسین کال میوه یه ال آتما
گفتم : یاتیبدی بختیم قوی سسله ییم اویانسین
گفتا : یاتیب ایشین یوخ یاتمیشلاری اویاتما
گفتم وظیفه میزدیر یاتمیشلاری اویاتماق
گفتا کی : ساخلا باشین هر فیرتانایا قاتما
گفتم : اویانسا دورسا نئیلر سنه بیلیرسن؟
گفتا : یاتیرتماق الده خوش گونلرین قاراتما
گفتم : نه جور دئییم بس سؤز خلقه تأثیر ائتسین؟
گفتا : یالان دانیشما تزویری زهده قاتما
گفتم : اولان ده گیل بو تکلیف ائدیرسن حکما
گفتا کی : اولماز اولماز موشگول داها یاراتما
گفتم : بیر اووچویام کی الده دولو توفنگیم
گفتا : دولو توفنگین هر قورد – قوشا بوشاتما
گفتم : اجازه وئرسن بیر آیری سین تاپیم من
گفتا : آزیبدیر عقلین دیوانه یه داش آتما
گفتم : بو تیره گؤیده اولدوز سایاق باتیم قوی
گفتا کی : دؤز تلسمه گون چیخماییبدی، باتما
گفتم : نه جور سئویرسن سنله ائدیم مدارا
گفتا : قمیش ده قویما، یالقیز سؤزو اوزاتما
یالقیز

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz