روزنامه کثیرالانتشار سراسری صبح ایران
به دو زبان ترکی و فارسی

۱۳۹۶/۰۹/۰۲
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 153
  • بازدید دیروز: 887
  • کل بازدید ها: 465,077
گولاب و اونون خاصیتینه باخیش

گولابی طبیعت ده بیر معجزه کیمی تانیماق اولار. اونون چوخ فایدالاری و خاصیتلری واردیر و چوخلو ناخوشلوقلاردا داوا درمان اوچون ایشله نیر.
یازین ایکینجی آیی ، گولاب دوتماق آیی دیر. بو گولابین خاصیتلریندن اوزاق قالماییب واختیندا فایدالانین!
عطیرلی بیر یئمه لی دیر کی بیزیم اؤلکه میزده راحاتلیقلا اَله گلیر و چوخلو ناخوشلوقلارین درمانیندا یاردیمدیر.
گولاب، تانینمیش عراقلارداندیر کی قیزیل گولدن جورله نیر. دئییرلر پیامبر اکرم (ص) حضرتلری ، قیرمیزی گول ( قیزیل گول ) گولابیندان فایدالانیرمیش ، اونا گؤره بو گولو « محمدی گولو» آدلاندیریبلار.
اصیل گولاب، دورو ، تیلیف سیز و ایشیقلی دیر. اونون عطیری قیزیل گول عطیری دیر و تورشامیش قوخوسو وئرمه ییر. گولابین دادی آغیر و آزجا آجی یا چالیر.
نییه عزا مراسیملرینده گولاب ایشله نیر؟
نییه عزالی لارین پالتارینا و اوستونه گولاب سه پیرلر؟
نییه شادلیقلاردا و توی مراسیملرینده گولاب ایشله نمه ییر؟
چون گولاب ، غم آلاندیر. ئیدروفین و اندروفین آدیندا موادی بئیینده نظمه سالیر و آدام یونگول له شیر و دینجلیک احساس ائدیر.
گولابین ده یه رلی خاصیتلری بونلاردان عبارتدیر:
-گولابین ایستی طبیعتی واردیر. و قورخونو آرادان آپارماق اوچون و بدنده دینجلیک یاراتماق اوچون فایدادیر.
– اعصاب اوچون فایدادیر.
– اونو ایچیب و اییله مه ک باش آغریسین آپارماقدا یاردیمدیر. ( بیری نین هاوانین قولایلیغیندان باشی آغریسا و گیجه لمه ک دوتسا اونا فایدادیر)
– گولاب، حالسیزلیغین قاباغین آلار.
– عزّت نفسی چوخالدار.
– اعتمادی چوخالدار و آدامی آرخایین ائده ر .
– نگرانلیغی آرادان آپارار.
– یوخوسوزلوغو و عصب ناراحتلیکلرین آزالدار.
– ده رینی جاوان ساخلایار.
– میکروب اؤلدوره ندیر. باشین دَریسینه و باشین توکونه فایدادیر.
– « گوارش » اوچون فایدادیر و گوارش ناخوشلوقلاری نین آرادان گئتمه گینه یاردیمدیر.
– معده نی گوجلندیره ن و فایدادیر.
– اوره ک اوچون فایدادیر.
– روماتیسم آغری لارین آلماقدا یاردیمدیر.
– اوره ک بولانمانی آرادان آپارماق اوچون یاخشی داوادیر.
– قارین سانجیسی اوچون فایدادیر. مخصوصاً اونداکی کؤپمه ک، گوارش عضله لرینه فیشار گتیریر.
– گولاب، چوخلو قاری نین کؤپون و یئلین آلماق اوچون ایشله نه ر . یعنی گوارش دستگاهی نین یئلین آزالدار. بو گازلار نارین کؤپدورلر کی یا بدنه جذب اولور یا یئل کیمی بوغازدا ائشیگه چیخیر.
– بیر حدده جک اسهالین قاباغین آلار.
– ایستی وورموش آداما بوزیله بیرگه گولاب وئره رلر.
– سینه سی و بوغازی قانییان آداما گولاب درماندیر.
– سه رین گولاب بدنین ایچه ریسی نین ایستی سین آلیب و بدنی داواملاندیرار.
– اونو اییله مه ک اوره گی گوجلندیره ر .
– هوشسوزلوغو آرادان آپارار.
– گولاب ایچمه ک ، آغیزین پیس قوخوسون آرادان آپارار.
– بدنده هورمونلاری تحریک ائدیب نظمه سالار.
– گولاب ، میکروب اؤلدوره ندیر. یارانی درمان ائتمه ک اوچون و چیرکین ، عفونتین قاباغین آلماق اوچون فایدادیر.
– گولاب، ویروسی میکروبلارین قاباغین آلاندیر و بدنی میکروبلارین قاباغیندا داواملی ائدیر.
– گولاب ، عضله لری، باغارسیقلاری و قان دامارلارین ییغار تا دیشین دوشمه گی نین قاباغین آلسین، توکون تؤکولمه سی نین قاباغین آلسین، دَری نین چورومه گی نین قاباغین آلسین، باغارسیقلاری گوجلندیرسین و قاری نین ماهیچه لرین داواملاندیرسین.
– گولاب، باغارسیقدا و معده ده اولان میکروبلاری آرادان آپارار.
– « وبا » و « حصبه » ناخوشلوغو اوچون فایدادیر.
– گؤزون میکروبو اولسا گؤزو گولاب ایله یوماق فایدالی دیر.
– صفرا کیسه سیندن زردابی چیخاردار و آسید موشگولونون قاباغین آلار.
– بدنده بیر یئر یارالانسا قانین تئز لختته لنمه گینه یاردیمدیر.
– گولابین چوخ خاصیتلری واردیر و تانری یا شوکور اولسون کی بیزیم اؤلکه میزده بوُلدور.
قایناق: اینترنت / بولتن نیوز
چئویره ن: الف.عظیمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
همگام با تبریز 2018
اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
سامانه پیامکی
آذربایجانین گوزه للیک لری
پیگیری وعده مسئولان
تصویر روز