گوله جک

گونش دوغاجاقدیر وارلیقیمیزدان
سحر آچیلاجاق اوزلر گوله جک
اوموتلو گــــونلرین آیدین لیقین دا
کلمه لر بیرلشیب سؤزلر گوله جک
*
اریینــــــده اوجا داغـــلارین قاری
سئیل اولوب آخاجاق دوزلره ساری
یوردوموز گؤره جک گوللو باهاری
دره لر تپه لر دوزلر گولـــــــه جک
*
قالخاجاق داغلارین دومانی چنی
شادلیق بورویه جک شانلی وطنی
گزیب دولانان دا چــــؤلو چمنی
کؤنول لر گوله جک گؤزلر گوله جک
*
گول چیچک عطرینی یایاجاق چؤله
دورنالار ســوروسو گله جک جوله
بوللوق مژده سینی وئره جـــک ائله
شنلیک قورولاجاق سازلار گوله جک
*
بولبول اوخویاجاق سئوگی باغیندا
گلیب اگلشه جک گول بوتاغیندا
(ائلدار)، بو باهارین اوغلان چاغینــدا
خیالدا کؤک سالان ایزلر گوله جک
همّت زاده ائلدار

دیدگاه بگذارید

avatar
  Subscribe  
باخبر شدن از