روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۶
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 1,290
  • بازدید دیروز: 1,235
  • کل بازدید ها: 833,175
گوندن قورخان احمد

لاپ بئله آناسینی بئزدیرمیشدی. گوندن قورخماق دا هئچ آسان بیر ایش دئییل ایمیش. ائودن ائشیگه چیخا بیلمه‌ین احمدین هر ایشینی آناسی گؤروردو. آخی بویا- باشا چاتیب ایگید بیر اوغلان اولدوغونا باخمایاراق بیزیم احمدین دردی غلیظ مسئله ایدی. او گوندن قورخوردو. پاهو….ایشه باخ! آدام دا گوندن قورخا بیلر؟! آما اولور دا. اینسان قورخاندا قورخور. کیمسه اؤز کؤلگه‌سیندن بئله قورخور.
دئییرلر قورخولو باش – ساغ اولور، اما بیزیم بو احمد لاپ بئله شیتینی-شورونو چیخارتمیشدی. گونش دوغان کیمی‌ حَیه‌ته چیخماغا قورخوردو. یازیق آناسی هم ائوین کیشیسی ایدی، هم آروادی. گئدیب ایشله‌یه‌جی کیمی‌ او ائوده – بو ائوده ایشله‌ییب , بازاردان نه لازیم ‌ایدیسه آلیب, گتیریب احمدین قارنینی دویوروردو. احمدده کی دویان دئییلدی. ائله بیل قارنیندا جوغ وار ایدی. ائله دئییردی: آی آنا اوره‌ییم گئتدی, منه بیر قایقاناق پیشیرسنه؟ یازیق آنا, پیشیریب دوشوروب قویوردو قورخاق اوغلانین قاباغینا.
بئله آخی دردینی کیمسه‌یه دئیه بیلمیردی. نئجه آچیب آغاردا بیلردی. آی جماعت منیم اوغلوم یئکه دَوه اولوب آما گوندن قورخور! بونو نئجه دئمک اولاردی آخی.
یازیق آرواد بئله لاپ باشینی ایتیرمیشدی. هردن قارغیش یاغدیریردی. دئییردی:سنی گؤروم یوخ اولاسان .آخی سنین بویونو یئره سوخوم ,نئجه بیر آدامسان سن! ائله بیر سؤزلر دئییرسن کی پیشمیش تویوغون گولمه‌گی گلیر. یئرآلمادا دامار وار، اما سنده یوخدور.
اما سونرا دئدیگی قارغیش‌لارا , پئشمان اولوب، اؤز اوغلونا قییا بیلمه‌ییردی. گؤر نئجه ایشی ترس اولموشدو. آخی قارانلیقدان قورخماق یئنه ده اوتمالی بیر سؤز ایدی, آما گونش دن قورخماق بئله لاپ شَبه‌ده ایدی! لاپ بئله سوقت ایدی بو اوغلان.
یازیق آرواد بیلمه ییردی پول قازانسین, او یئکه دَوه‌نین قارنینی دویورسون, یادا اونون نیسگیلینی داشی‌سین. هر بیر سحرچاغی درد قارنینا دولوردو.
بئله چوخ آدام احمدین وارلیغیندان خبری یوخ ایدی. چونکو هئچ کیمین گؤزونه گؤرسنمیردی آخی. آناسی اؤیود وئریردی, دئییردی آی اوغول دئنن گؤروم آخی سن گونشین نه‌ییندن قورخورسان؟ گونش سنی یئمه‌یه‌جک کی؟
احمد دئییردی:‌هاردان بیلیر سن؟ یئدی – یئدی.
آناسی دئدی: بس بیزی نییه یئمیر,ائله بیر دنه قاشی –گؤزو قارا سن سن؟
احمد بو سؤزلری بیر قولاغیندان آلیب، او بیریسی قولاغیندان بوشلاییردی. یازیق آناسی‌دا ائله غم-غصه یئییردی. نئیله‌سین الله اونا بیر اوغول وئرمیشدی, اودا نه اؤلویه یاراییردی، نه ‌ده‌ دیری‌یه. قوهوم ایچینده ده باشی سرکیلی اولموشدو. ائله قوهوملار اونون اوغلونا “گوندن قورخان احمد” دئییب, گولوردولر. اوغلاندا ائله بیل جوجه باسدیرمیشدی, هئچ یئریندن تَرپَنمیردی. ائله آغزینی آچمیشدی‌هاوایا گودوردو آناسی گتیرسین اودا یئسین.
یازیق آرواد لاپ بئله الدن گئتمیشدی. بیر یاندان نیسگیلی, بیر یاندان دا گونده گئدیب ایشله‌مک دوغوردان دا اونو سینسیتمیشدی. یازیق آرواد نئیله‌دیسه, اوغلانی یولا گتیره بیلمه‌دی. ائله اوغلان اؤزونو وورموشدو علی‌نین قیلینجینا. دئییردی ائله آغا نظرم، بئله گزرم. الیندن ده بئش قارا پوللوق ایش گلمه‌ییردی.
بیر گئجه یازیق آرواد اوتوروب فیکیره دالدی .سحره قده ر یوخو گؤزلرینه گلمه‌دی، ائله دئییردی , آی الله نئیله‌ییم, نئجه بو دیغانین الیندن قورتاریم؟ داها آرتیق بو اوغلانین الینده, آز قالیرام باشیمی‌ گؤتوروب قاچام. باشینا سؤز کئچمه‌ییر. ائله دئییر نادم کی نادم. آخی اینسان گوندن قورخادا بیلر؟!
بیردن ایلدیریم کیمی‌ بیر فیکیر بینینه دوشدو. گولومسوندی. دئدی: من بو اوغلانین قورخوسونو تؤکمه‌لی‌یم. من بیر ساعات بو اوغلانی ائشیکده ساخلایا بیلسم بونون قورخوسو تؤکولر. سونرا دئدی: بیر ساعات بونو ائشیکده ساخلاماغا نه وار کی.
آروادین اویونو ائله او گوندن باشلادی. سحر احمد یئمک ایسته‌ینده دئدی: احمد قیتلیق دوشوب، داها آرتیق یئمه‌گه هئچ نه تاپیلمیر. گرک دؤزه‌سن بو آجلیغا.
احمد دئدی: یانی نه آنا؟ آجیمیزدان اؤله‌ریک آخی. بس نئیله‌یک؟
آرواد دئدی: ائله بیل اینانمیرسان هه؟ اینانمیرسانسا دور آیاغا اؤزون گئت بازارا!
بو سؤزو ائشیدن احمد سوسدو.
آرواد بو اویونی‌لا احمدی ایکی گون آج ساخلادی. سونرا گئدیب بازاردان سولو آلما آلدی. ایکینجی گونون گون‌اورتا چاغی یئریندن دوروب، گئدیب تزه آلدیغی آلمالاردان گؤتوروب، حَیت قاپیسیندان بئله دوزمه‌گه باشلادی. آلمالاری کوچه‌یه قده ر دوزدو. سحر یئنی آچیلمیشدی. گئدیب احمدین یاتاغینین باشی اوستونده دوروب بیردن قیشقیردی: آی احمد، آی احمد…!
احمد هوله‌سک یوخودان داشلاندی. دئدی: نه اولوب آی آنا، اوغورو گیریب ائوه؟
آرواد دئدی: یوخ اَده دور آیاغا گؤر نه اولوب آخی. ائله باشینی آتیب یئددی یوخویا گئتمیسن, دور آیاغا باخ!
احمد دئدی: آی آنا نه یه باخیم؟
آرواد دئدی: دور آیاغا باخ ، دونن گئجه گؤیدن آلما یاغیب، باخ حَیته! آلما الیندن یئر یوخ دی. دور تئز او آلمالاری توپلا.
ایکی گون آج قالان احمد دیک آیاغا دوردو. داها آرتیق دؤزه بیلمه‌دی. آجیندان بئله اللری اسیردی. یومولدی حیته. تئزقاپینین آغزیندا کی آلمانی گؤتوردو, دیشینه چکیب گؤزله‌مه‌دن باشقا آلمالارا جومدی. آلمالاری یئیه –یئیه, کوچه قاپی‌سینا ساری گئتدی. آرواد دا آرخاسیجاق گئدیردی. احمدین باشی او قدر آلمالارا قال ایدی کی , آناسی نین آرخاسیجاق گلمه‌گینی بئله بیلمه‌دی. آچیق کوچه قاپیسیندان ائشیگه چیخان کیمی، آناسی اونا بیر تیمبا ووروب قاپیدان سالدی ائشیگه, سونرا قاپینی تئز باغلاییب, جفته‌سینی سالدی.
کوچه‌ده یالنیز قالان احمد, بیردن اؤزونه گلیب، اؤزونو گوندوز گون اورتاچاغی کوچه‌ده گؤردو. گونش, گؤیده ایشیلداییردی. احمد قورویوب قالدی. قورخو بوتون گؤوده‌سینی ساریدی. اوجادان قیشقیریب، قوجاغینا ییغدیغی آلمالاری یئره تؤکدو. قیشقیرا –قیشقیرا قاپینی دؤیمه‌گه باشلادی. نه قده ر قاپینی دؤیدوسه, هئچ بیر خبر آلمادی. قیشقیریردی:آی آنا, قاپینی آچ ایندی گون منی یئیر! سونرا یالواریب, سیتقاماغا باشلادی. آی آنا قوربانین اولوم بو گونش منی یئمه‌میش قاپینی آچ! او قدر قاپینی چالدی آخیردا هئ‌دن گئتدی. آیاق اوسته دورا بیلمه‌ییب، قاپینین قاباغیندا یئره سیریلدی.
نه واختدان نه واختا, اؤزونه گلدی. بیردن گؤزو قاپینین قاباغینا توپلانان جماعته دوشدو. جماعت اورادا دوروب اونا باخیب گؤلوردولر. هره بیر سؤز آتیردی. بیری دئییردی: احمد نه اولدو, ائله بیل گون سندن خوشو گلمه‌دی, او بیریسی دئدی: احمد ائله بیل گون سنی چئینه- توپور ائله‌ییبدی. آخی یئره سریلییبسن.
سؤزلر احمدی سانجیردی, اودا حیرصلنیردی, سونرا یاواش-یاواش اوتانماغا باشلادی. باشینی آشاغی سالدی. هرنه ایی باشا دوشدو. نه قدر بوش بیر قورخونو یاشاماغیندان پئشمان اولوب، بئله لاپ ترله‌دی. سویوق تر آلنیندان سوزولوب, گؤزلرینین یاشینا قاریشدی. اؤزونو دانلاماغا باشلادی, ائله جه بیر داها بوش-بوش شئ‌لردن قورخمایاجاغینا اؤزونه سؤز وئردی.
سونوندا آناسی قاپینی آچدی. احمده باخیب دئدی: احمد نه اولدو؟ ائله بیل گون سنه بیر ایش گؤرمه‌ییب هه؟
ایندی گؤردون نه قدر بوش یئره قورخورموشسان.
احمد آیاغا قالخیب, باشینی آشاغی سالیب دئدی: سن دوز دئییرمیشسن آنا.
آناسی دئدی: او قورخو ائله سنین بئینینده ایدی. ائشیکده, هئچ نه یوخ‌ایمیش.
آرواد, اوغلونو ائوه آپاردی. ائرته‌سی گوندن, جماعت احمدی, دمیرچی توکانیندا ایشله‌یرکن گؤردولر…..
سعید فیوضات

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز