روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۹/۰۴
روزنامه ساقی آذربایجان
تبلیغات
آمار بازدید
  • 0
  • 557
  • 745
  • 1,381,981
گیزلین کیشی

یازیق بیر خانیم سو مشکی چیگنینده لهله یه لهله یه ائوینه ساری گئدیردی. بیر تانینماز کیشی اونیله اوز به اوز گلیب ، مشکی اوندان آلیب اؤز چیگنینه سالدی . خانیمین بالاجا اوشاقلاری قاپی دالیندا گؤزلری یولدایدی و آنالارین گؤزله ییردیلر.
ائوین قاپیسی آچیلدی ، اوشاقلار گؤردولر بیر تانینماز کیشی ایله آنالاری ایچه ری گیردیلر. و سو مشکی کیشی نین چیگنینده دیر. کیشی مشکی یئره قویوب ، خانیمدان سوروشدو : « یاخجی، بیلیندی کی أرین یوخدور کی اؤزون سو داشیرسان ، نه اولوبدور کی یاردیمسیز قالیبسان؟!»
– أریم سربازیدیر ، علی بن ابی طالب اونو مرزلرین بیرینه یوللادی و گئتدی اوردا اؤلدو. ایندی بیر منم بیرده بو نئچه اوشاق.
تانینماز کیشی، بوندان آرتیق دانیشماییب ، باشین آشاغی سالیب آیریلیب گئتدی. آمما او گونو بیر آن فیکیری او قادیندان و اوشاقلاریندان قیراق اولمادی. آنجاق وجدان آغریسیندان گئجه نی دینج یاتا بیلمه دی . سحر تئزدن بیر زنبیل گؤتوروب ، بیر آز خوره ک ، أت، اون و دوگو ، او زنبیله تؤکوب ، بیر باش دونن کی ائوه ساری یولا دوشدو . یئتیشیب قاپینی دؤیدو .
– کیم سن؟
– همان ، دونن گلن تانری بنده سی ام ، سو مشکی گتیرمیشه م . ایندی بیر آزدا اوشاقلارا خوره ک گتیرمیشه م.
– تانری سندن راضی اولسون. و منیله علی بن ابیطالب آراسیندادا تانری اؤزو حؤکم قیلسین.
قاپی آچیلدی و تانینماز کیشی ائوه گیردی ، سونرا بویوردو: اوره گیم ایسته ییر ثواب ایش گؤره م. اجازه وئرسه ز چؤره گین بیشیرمه گین و اوشاقلارین ساخلاماغین من بوینوما آلیم.
– چوخ یاخشی، آمما من یاخشی خمیر جورله ییب چؤره ک یاپارام. سن اوشاقلاری ساخلا ، من چؤره گی تئز بیشیریم قورتاریم.
خانیم گئتدی خمیر جورله مه ک دالیجا . تانینماز کیشی تئز آزجا أت گؤتوروب ( اؤزو گتیره ن أت دن ) ، کباب ائتدی و خورما ئیله بیرگه ، اوشاقلارا یئدیرتدی. هر هانسیسی نین آغیزینا تیکه قویدوقجا ، دئییردی: بالام! اگر علی بن ابی طالب سیزین ایشیزده أسگیکلیک ائدیبسه اونو حلال ائتگیله !
خمیر آماده اولدو . خانیم سسله دی: ای تانری بنده سی! تندیری یاندیرگیله!
کیشی گئدیب تندیری یاندیردی. تندیرین هنیرتیسی چوخالدی. کیشی اوزون اودا ساری یاخینلادیب دئییردی: ای جانیم تندیرین یاندیران ایستی سین دادگیله! بودور او کیمسه نین کیفری کی یتیملردن و دول قادینلارین دردینده و یاشاییش موشگولونه یئتیشمه کده أل ساخلاییبدیر.
بو حالدا قونشو قادینلارین بیری او ائوهباش ووردو و تانینماز کیشینی تانیدی. او ائوین خانیمینا دئدی: وای اولسون سنه! اؤزونه یاردیملیغا چکدیگین بو کیشینی تانیماییرسان؟! بو امیرالمؤمنین علی بن ابی طالب (ع) دیر.
بیچاره خانیم قاباغا گلیب دئدی: ای منی مین دؤنه اوتاندیریب خجیل ائدن کیشی! من سندن معذرت ایسته ییرم.
– یوخ، من سندن معذرت ایسته ییرم کی سنین ایشینه یئتیشمه کده أسگیکلیک ائتمیشه م.
قایناق: داستان راستان
چئویره ن: الف. عظیمی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز