یاتما بو یوْللاردا،یوْلچو قارداشـــــــــیم،
گره‌ک بو یئرلری گؤرۆب گئده‌ســــن،
سؤز آلیب گوللرین گول دوْداغـــیندان،
نغمه‌له‌ر چله‌نگی هؤرۆب گئــــــده‌سن،
*
باغلا اؤز میـــــــــــــــــلینی بنده،بره‌یه،
گؤز یومماق اولارمی بو منظـــــــــره‌یه؟
بیر دفعه وئریلیر عــــــــــــــومور هره‌یه،
گره‌ک میوه‌ســــــــینی دریب گئده‌سن،
*
یاتماغا گلمه‌دین سن بو حیـــــــــــــاتا،
اینانما یاتــــــــــــــــــــانلار منزیله چاتا،
اینصــــــــــــافمی یوخولار باشینی قاتا؟
عؤمرونو یئلله‌ره وئریــــــــب گئده‌سن؟
*
آلیشیب یانماسان کوْر اوْجـــــاق کیمی،
عشقین گۆل آچماسا بو توْرپاق کیمی،
قوْرخورام دونیــــــــایا بیر قوْناق کیمی،
ائله غـــــریب گلیـب، غریب گئده‌سن
زلیم خان یعقوب