روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۲/۰۵
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 122
  • بازدید دیروز: 1,205
  • کل بازدید ها: 628,154
یاریش

دایاناجاقلاردا بیر نئچه دقیقه دایانیردی. بیر تعداد ائنیب، بیر تعداد‌ایسه مینیردی. یئنی‌دن یولا دوشوردو.
بورولا- بورولا داغلار کناری دره‌لرین قیراغی‌لا اؤزونه یول آچیب، گئدیردی. سورعتله کؤرپولری اؤتوب، تونل‌لری کئچیردی.
قاطار‌دان دیشاری‌ هر نه‌ واریدیسا، سانکی لحظه‌لر قوناغی‌ایدی. بیرجه آن گؤز اؤنونده دوغرولور، هله سئچیلیب سئچیلمه‌میش، گئجه‌ده آخان اولدوز تک، آخیب یوخا چیخیردی.
کوپه‌لرین بیرینده گئدن قیزغین مباحثه قیش گئجه‌سی‌نین کورسوسو کیمی‌کوپه‌ده‌کی‌لرین باشین بیر یئره ییغمیشدی.
بیر گنج اوغلان حرارتله دانیشیردی. اونون خطابی یاشلی بیر کیشی‌یه اولورسادا، باشقالاری‌نین ماراغینی داها آرتیق قازانمیشدی. اونلار تام دقتله اوغلانی دینله‌ییردیلر. بونونلا بئله او سؤزون سونا چاتدیرا بیلمه‌دی. چونکی یاشلی کیشی اعتراض بارماغین قالدیریب، اوغلانین سؤزون یاریدا کسدی:
– یوخ، اولمادی. دایان! دایان بیر گؤروم سنین‌هامیسی نئچه یاشین وار؟ ییرمی… ییرمی‌ایکی. لاپ توتاق ییرمی‌دؤرد. هله سن نه یاتیبسان، نه یوخو گؤره‌سن؟ آمما من گؤرموشم. گؤرموشم و گؤره- گؤره‌ده گلمیشم. بیر دانا آخیرا چیخانی اولماییب. گؤر بیری دوز باش گؤرا آپارا بیلیب؟ یوخ، آپارماییب. فرقه‌لیکده … لاپ ائله بیل دونن‌ایدی. ایکیجه گونون ایچینده بیرین قویمادیلار قالا. اؤز گؤزومون قاباغیندا اوچ- دؤردون بازار آغزیندا گبرتدیلر. اللرینه دوشه‌نی قاننادیلار. اؤلن اؤلدو، قاچان قاچدی. دئییردیلر بس گؤره‌سن حالوا پایلاییرلار. گلن گئتدی فدایی یازیلدی. آمما من؛ یوزو گلدی قاپییا کی گل یازیل، یازیلمادیم. او قده‌ر بوگون- صاباح ائله‌دیم آخیر کی فرقه داغیلدی؛ … گلدی چیخدی مصدق‌لیگه. گینه‌ده مرده باد، زنده باد باشلاندی. دای آدام قالمادی قوشولمویا. گئنه‌ده من قوشولمادیم. آمما بیر ایش گؤرموشدوم کی هم شاهچی‌لار منی ایسته‌ییردی، هم‌ده مصدقچی‌لر. سؤز اوزانماسین اونودا تختدن سالدیلار. توتولان کیم، آسیلان کیم؛ آمما منبم گؤزوموده پیله‌ین اولمادی… حزب رستاخیز کی قویولدو، گؤردوم یوخ، بونون آلتیندان قاچماق اولمویاجاق. دولت نوکری اولاسان بویون قاچیراسان؟! اولان ایش دئییل. گئتدیم آنجاق یازیلدیم. امما ائله یازیلدیم‌دا. جلسه- ملسه‌یه کی اصلا توتوق وئرمزدیم. فقط بیر قورو آد؛ والسلام. آمما نه ایشین وار، گل گؤر نه قده‌ر قارین آغریسین چکدیم اونون. مخصوصا انقلابدان سونرا. ائله قارینیمی‌اوووشدوردوم کی آللاه گؤره‌سن نه ته‌هر اولاجاق بو؟ آمما گئنه هر نه‌ایدی آللاه اوزومه باخدی، منی دیندیرن اولمادی. ویردی بو انقلاب باشلادی. تبریز قاریشدی؛ دالینجا تهران، اصفهان،‌هارا ،‌هارا. دئدیم محال مومکوندو هئش زاد ائلییه بیلمزلر. هله بازنشسته اولمامیشام؛ اؤزوده‌هاردایام، بوستان‌آوادا؛ رئیس اداره‌یم. بوگون- صاباح، بوگون- صاباح، آنجاق گون او گون اولدو کی دئدیلر صاباح بوردادا راهپیمایی‌دی. اوندایدی کی دئدیم یوخ، دوستوم بو یول دئیه‌سن انقلاب دوغرودان انقلاب‌دی. فورا اؤزومو یئتیردیم بانگا. حسابیمی‌تامام- کامال بوشالتدیم. کئچدیم بازارا. بو نه دی یاغ، دویو، لپه، مرجمک، نه، نه، هره‌سینن بیر تای، ایکی تای، اوچ تای آلدیم، گتیردیم ییغدیم زئرزمییه. سورا ایکی دست اعلا واراغ، لاپ درجه یک تبر؛ بیر جوت‌ده حسابی داش آلیب گئتدیم ائوه. دئدیم آرواد آل بونلاری قوی محکم بیر یئره کی بیر گون کاریمیزا گله‌جک. دئدیم بئله کی باخیرام مومکوندو لازیم اولا؛ ایکی آی‌نان، اوج آی‌نان ائودن ائشیگه چیخمالی اولمویاخ. بعلی، بونلارین‌هامیسی تجروبه‌دی. ایشیم اوندا یوخ کی آللاه طرفی ایش او قده‌رده اوزانمادی. آمما گئنه احتیاط شرط‌دی. همن آلدیغیم یاغ، دویونو بیز جنگ ایللرینده هنوزدا یئییردیک. عرضیمه التفات بویورورسان؟ ….”
بورا یئتیشنده کیشی‌نین گؤزلری کوپه‌ده‌کی‌لری بیر- بیر دولانیب، گلیب دایاندی گنج اوغلانین اوزونده.
– “خوب، نئجه‌دی اوغول دوستو؟ ایندی سن بویور گؤره‌ک اصل سیاستمدار منم، یوخسا او یوموروغون دویونلویوب کؤتک یئین‌لر؟”
اوغلان بیر سؤز دئمه‌دی. اونون دوداقلارین معنالی بیر گولوش مؤهورلمیشدی. باخیشی داها مرکب معنا داشییردی. کیشی فقط بیر نئچه لحظه اونون باخیشینا قاتلاشا بیلدی. سونرا وئردیگی سووالین جاوابیندان واز کئچن کیمی، هؤولجک دؤنوب پنجره‌دن ائشیگه باخدی.
کوپه‌ده‌کی‌لر فیکره دالدیلار. اونلارین هره‌سی جاوانین سوکوتونو و اونون باخیشینداکی معنانی بیر جور دوشونوردولر. قاطار ایسه اؤز یولون گئدیردی تام سورعتله؛ سانکی زامانلا یاریشیردی.
نریمان ناظیم

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز