یاس غمی حضرت زینب (س) دیلیجه

من زینبم ای ظولمیـله آلقانه باتـان، دور!
تک قویما منی ای اوره گی غملی یاتان،دور!
*
دونیــا دولانیر باشیمه ای صبر و قـراریم!
گولشنده پوزولدی نئجه گؤر شوق ِ بهاریـم
بوندان بویانا وای ننه وای اولدو شعاریــم
سن تک آنایا هاردا وار آخیرده چاتان، دور!
*
اولماز داهــا کسسین بالاوی سنـدن علاقــه
آچ گؤزلـریـوی چوُخ منی یاندیرما فـراقه
سال بوینوما قول تکیه ائدیـم دور بیر ایاقه
وئردی بلالی ایسته دیگین واختی اذان، دور!
*
هرآن سنی سسله ردی بالان جان ائشیده ردی
بسلردین اؤزون،صوتیوی درمان ائشیده ردی
آوازِ « گولوم جان سنه قوربان » ائشیده ردی
ایندی نه اولوب آچمادین آخ بیرجه زبان دور
*
غمدن جوشا گلسه یئری وار دالغالی دریا
سولدورسا منی غصّه لــرین ای گلِ حمرا
بو محنت و آلامه یانـــار مریـــم و سـارا
گل ائتـمه منِ غمـزده نی دلنگــران ، دور!
*
تکلیفیـم آغیـرلاتــدی بـوگـون روحِ سمـاوی
بی شکّ ، چتینله شدی ایشیم، کسمه دُعاوی
آخـــر چاتـاجـاق کرب و بلایــه بـو نواوی
قیل زینبیوه لااقل اســــراری عیان ، دور!
*
معلوم اولان آزدی بیـزه غمخوار و هوادار
بـو حادثـه ائتـدی منی احوالـه خبـــــــردار
مُحکم دَلیـل ایمدی در و دیـواریـــلـه مسمار
یاندیـــــم سنیله منده بو درده الاَمان ، دور!
*
اودلاردا یانـان عـاشـقِ غمپروریـــوه م من
باخ گؤرنه عزالی دولانان دختـریــوه م من
طوبایــــه چاتـان عشقیـلـه نیلوفـریـوه م مـن
شبنم تک آخیــر قانیله بو اشکِ روان، دور!
*
گیزلتمه بئله یاره لـــــرین سینه ده یورقون
آگاهم اولوبسان نه قیزیــــــل قانیله گلگون
گل بیــــر دولانا باشیــــوه بو زینبِ دلخون
نیسگیللرین اوُد سالدی یئره یاندی بالان، دور!
دادا بیلوردی

دیدگاه بگذارید

avatar
  Subscribe  
باخبر شدن از