روزنامه کثیرالانتشار سراسری صبح ایران
به دو زبان ترکی و فارسی

۱۳۹۶/۱۲/۰۲
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 666
  • بازدید دیروز: 504
  • کل بازدید ها: 574,174
یاشار زنگانلی

یاشار زنگاندا آنادان اولوب، بوی آتیب و یاشا دولوبدور. اؤز ائلینه – دیلینه وفالی قالاراق ائل اوغروندا چالیشماغا جان آتیبدیر. یاشاردان چوخلو شعر، مقاله اومید زنجاندا چاپ اولوبدور. او، ریاضی دبیری وظیفه سینده چالیشاراق، اوشاقلارین کیچیک دونیالارینی گئنیشله دیب، ایشیقلاندیری و اوشاقلارا قوجاق – قوجاق محبت بسله ییر:
آلنی قیریش داغلار کیمی گؤز تیکمیشم اوزاقلارا؛
ازل گــوندن وورولموشام گؤیدن آخان شافاقلارا.
بســــــله میشم قوجاق – قوجاق محبتی اوشاقلارا
اوره ییمیــن پرده لری تئل – تئل اولوب داراقلارا
من سیـــــنه لرده کی سؤزه م یازیلمیشام واراقلارا.
یاشار، “ایشیق” – ادبی گروهون قورولماسیندا بؤیوک رولو اولموشدور. بوندان علاوه، مولانا همتی انگورانی نین قبرینی انگوراندا کشف ائدیب و ادب دونیاسینا تانیتدیرمیشدیر. یاشار، بو ساحه ده بؤیوک همت و غیرت گؤسته ریب، دندی شهرینده ده مولانا همتی نین آنا یوردوندا بیر ادبی ییغینجاق قوروب، طنطنه لی بیر مراسیمی کئچیرتمک، شاعیرین میللی شعورونو گؤسته ریر.
شاعیر، شعر دیلینی تازالیقدا تاپیبسا، مضمون جهتیجه شعرلری دولغوندور. ریاضی دبیری اولدوغونا گؤره “ E= m.c2” آدلی شعرینده ریاضی موضوعلارینی شعرله باریشدیریر:
کیــمسه سیزم نقطه کیمی
نه انیم وار، نه اوزونـــوم،
لوت گمی یم دریادا من،
خط وئریرم صفحه لره، شکیللره،
یول سالارام دنیــــــزلره،
دالغالارین آراسیــــندان
صفحه له رم فضــالاری…
یاشارین مقاله لرینده دیلی کسرلی و آخیجی دیر. اومید زنجاندان علاوه، مقاله لری باشقا زنگان درگی لرینده ده چاپ اولوب – یاییلیر.ادبی تنقیدلری، تانیتدیرمالاری بیر چوخ ادب سئوه رلری اؤزونه جلب ائتمیشدیر. ائل اوغروندا چالیشان شاعیر، ائل دوشمانلاریلا باریشمازدیر.
تنقیدی باخیشلاری، درین اجتماعی گؤروشلری ، شاعیرین دویغولو اوره ییندن خبر وئریر. یاشار، چئشیدلی شعر مجلیسلرینده اشتراک تئدیب، فعالجاسینا چیخیش ائدیر. آیدینجا گؤسته ریر کی ائل قایغیسی چکن بیر شاعیردیر و اوره یی وطن عشقیله چیرپینیر. باجاریقلی شاعیریمیزه آیدین گله جک دیله ییب و باشاریلار آرزیلاییرام. بیر شعرینی بیرگه اوخویالیم:
اوچوش آرزیسی
قئید عقلی قوپاریب من بو گئجه آتمالییام،
دئمه لی خیال آتین بیر بالا اویناتمالیـــیام.
هوشـــــو باشدان قاچیریب، گیر دهلی لر قایداسینا،
دولـــــــدورور پئیمانانی، ساغری فیرلاتمالیـــــــیام.
اوچوش ایستیر بو کؤنول، سیغماز اولوب دار قفسه،
یول آچین، باده ایچین، من گولومه چاتمالــــــییام.
سؤزلریندن عزیزیم یاغسا محبت یاغیــــــشی،
اوره یی داشدان اولورسا، گؤزون آغلاتمالییام.
باشـی باشدان آییریب، اورتامیزا سالما کده ر،
بستر عشقده بیر گؤز اوزانیب یاتــــــــمالییام.
باشی گئتسه یاشارین دلبرین عشقینده، نه غم!
ده لی کؤنلوم هوسیله قانیمــــــــــا باتمالییام
***
یاشارین ایلک فعالیتی نین آردیجا ، ادبی چالیشمالارینی داها آرتیریر و بیر زمانلار بیر نئچه درگی نین باش یازاری کیمی چالیشیر و بو درگیلرین هامیسیندا باشاری گؤسته ریر. آنجاق بوگون یاشارین ایلک شعر دفتری اوخوجولارین الینده دیر کی “یاکریم، یاکریم” عنوانی آلتیندا یاییلمیشدیر.
م.کریمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز