یالان دونیا

آیریلیق الینده حســـــرت ایچینده
نه دئسم اینجیمه سؤزومـــــدن آلله
منی بو ظولمتدن گَل اؤزون قورتار
دوشموشم صبردن ، دؤزومدن آلله
***
قان تؤکور الینده امـــکان اولانلار
قرآندان دم وورور شیطان اولانلار
انسان دَریسینده حیوان اولانــــلار
سالیبلار دونیانی گؤزومــــدن آلله
***
نه قده ر آه چکیم یالان دونیـادا
یالتاقلار الینده تالان دونیـــــــادا
ظالیمه اویونچاق اولان دونیـــادا
مظلومون گورمورم اؤزومدن الله
***
“ اومودا “ زهردی ، چوردو بو دونیا
تله دی بو دونیا ، توردو بـــــو دونیا
ازلدن بیلیــــــردیم گوردو بو دونیا
دئمه یه گلمیردی اوزومــــدن آلله
اومود قاراداغلی

دیدگاه بگذارید

avatar
  Subscribe  
باخبر شدن از