روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۹/۱۴
روزنامه ساقی آذربایجان
تبلیغات
آمار بازدید
  • 0
  • 270
  • 1,575
  • 1,392,706
یـــــا ابا الحسن (ع)

قوربان اولـــــوم جلالتیوه یـــــا ابا الحسن
چوخ شائقم زیارتیوه یــــــــــــا ابا الحسن
مین بیـــــــر آدیله آدلانیب ا… لایَنـــــــــام
اسم رضادی مظهری بـــــو آدلاری تمام
ای اسمی اسم اعظم حق ، ای شه اَنـــام
عاجزدی عقل مدحتیوه یـــــــــا ابا الحسن
دنیانین اهلی رسمیدی یوخ شبهه و مقال
شیریـــــن آدی گَلنده عسلدن وورار مثال
شیریندیر اهل عشقه عَسَلدن ولی وصال
قوربان اولوم محبّتیوه یــــــــــا ابا الحسن
تلخین مثالینی عُقلا زهـــریــدن وورار
عُشّاق ایچینده عکسینه امّــــا عقیـــده وار
مین دفعه زهریدن آجیـــراق دیر فراق یار
یوخ منده تاب فرقتیوه یــــــــــا ابا الحسن
آگاه سن اؤزون سن اَیــــــــا شاهِ ذوالکرم
من عاشقم سنه ، دئمه مدّاح و نوکــــــرم
بیـر آستانون اوپماقی مین خُلده وئرمه رم
آند اولسون اوز امامتیوه یــــــــا ابا الحسن
بیگانــه بیلمه ز عشق غمین ، آشنا بیله ر
گیزلین رموزی عالـــم جهر و خفا بیله ر
قلبیم نئجه یانیر بیر اوزون بیر خدا بیله ر
دل تشنه دیر سقایتیوه یــــــــــــا ابا الحسن
سن مظهر جمال خـــــــــدای عطوف سن
کَشّافِ هَمّ و غمّ و کُروب و لهوف سن
معروف سن بو اسمه امــــــام رئوف سن
جانلار فـــدا عطوفتیوه یـــــــــــا ابا الحسن
چوخدان دوشوبدو خسته کؤنول اشتیاقیوه
یاندیــــــرما بیر بئـــــله منی نارِ فراقیــوه
ایستــــه گَلیم بهشتیدن اعلی رواقیــــــــوه
وئرره م قسم رضایتیوه یـــــــا ابا الحسن
ای شاه مُلکِ سِلم و رِضا، اَیُّهَا الــــــــرِّضا
نومیــد اولا گدای درون اولماسـان رضا
باخ گؤر روادی ای شه اقلیـــــمِ اِرتِضی
من گَلمه ییم زیارتیـــــوه یـــــــا ابا الحسن؟
سن شاه ماسِوا، سنه من کمتریـــــــن گدا
شاهه گدانی بوش یـولا سالماق ده گیل روا
بیر باخماقین ائده در ایکی دونیــــامه اکتفا
اولّام رَهین منّتیوه یــــــــــــــــا ابا الحسن
قبریندن اؤترو گؤیلوم اَسیر مثل برگ بید
بیــــــــر سائلم قاپوندا سیه روی و مو سفید
وئرره م قسم جوان بالاوا ائتمه ناامیــــد
قیــــل مفتخر عنایتیوه یـــــــــــــا ابا الحسن
هجرینده گؤز یاشیم قاریشیب قلب قانینه
رحم ائیـــــــــله بو بلا کشین آه و فغانینه
وئرره م قسم شَها سنی معصومه جانینه
ایسته گَلیم زیارتیوه یــــــــــــــا ابا الحسن
ای جود و بخشش و کرم و فضل معدنی
اوغلون جــواد جانینه وئرره م قسم سنی
بیرده قوناق چاغیر او گؤزه ل قبریوه منی
مشمول قیل کرامتیوه یـــــــــــا ابا الحسن
دلـــدن آلیبـــدی طاقتیمــــــی درد فرقتون
نئیلیم نصیب اولموری فیض زیــــــارتون
هر صبح و شام یاد ائدیره م حال غربتون
یانّام ملال غربتیوه یـــــــــــــــا ابا الحسن
فریـاد و داد او وقتیدن ای خسرو حجاز
مسموم ائیله دی سنی مامون حیله ســـــاز
بو فکریله کی ائیلیه بیـــر نوع سِترِ راز
گَلدی سنین عیادتیوه یـــــــــــــا ابا الحسن
گوزیاشلی عرض ائدیردی کی ای شاه محتشم
بو بَس ده گُیل فراقون اولـــور مایــه ی اَلَم
طوس اهلی ائیله ییـر منی بو امــره متّهم
مه عاملم شهادتیوه یـــــــــــــــا ابا الحسن
مامون اگــــــــــرچه قاتلیدی ای شه کِبار
امّـــا حیالیدیر گئنه اول شوم کین شعار
اؤز ائتدیگی خطاسینه ائیــــله ردی اعتذار
آغــــلاردی حـــــال رحلتیوه یا ابا الحسن
امّا نه بی مروّتیمیش شمر بی حیــــــــــا
جدّون حسینین ائتدی بدندن باشین جــــدا
ووردی باشین جدایــــه همان غملی ماجرا
اولدی سبب مصیبتیوه یـــــــــــا ابا الحسن
من نوکــرم قاپــوزدا، حسینی دی شهرتیـــم
لایق ده گُیل اگرچه بو دربـــــاره خدمتیم
امّا بو بوش اَلیله گئنه یوخـــدی وحشتیـــم
گــــؤز تیکمیشه م شفاعتیوه یـا ابا الحسن
جدّون اوزی بئله بویوروبـــــــدی مفضّله
قــــرآندی اصل مدرکی، روشندی مسئلــــه
واللهی قبـــــــردن دوراجــــاقدی گُله گُله
قائل اولان ولایتیوه یــــــــــــــــا ابا الحسن

حسینی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز