روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۴
روزنامه ساقی آذربایجان
تبلیغات
آمار بازدید
  • 0
  • 153
  • 700
  • 1,332,093
یوخسول و ایشچی یازان : رولان بارت فارسجادان چئویرن : همت شهبازی

چارلی چاپلی نین سونونجو فیلم تئکنیکی اوندان عبارت اولموشدور کی کئچمیش روسیه رسمی لریندن آلدیغی اؤدولون یاریسینی بیر ایشچی خئیریه جمعیتینه باغیشلادی. دوغروسو ، بو ایش یوخسول و ایشچی لر آراسیندا بیر نوع طبیعی مساواتچی لیغین یارانماسی آنلامیندادیر. چونکی چارلی ایشچی لری همیشه یوخسول بیلیردی : اونون فیلم لری نین انسانی گوجوده ائله بوندان آسیلی ایدی. البتده کی اونلارین سیاسی قارانلیقلاری دا ائله بوندان تؤره میشدیر. بو مسئله اونون «یئنی چاغ » فیلمینده داها بدیعی شکیلده گؤرونور. بورادا ، چارلی ایشچی لیک مضمونونو هئچ ده اونوتمور. آمما هئچ واخ اونا سیاسی باخیمیندان دا یاناشمیر. او ایشچی لری هله ده، قاندال لی، کور و اؤز ساده طلبات لاری نین و آغالارا قول اولمالارینی گؤستریر. اونون فیکرینجه ایشچی لر هله ده آج انسانلاردیلار. چارلی نین فیلم لرینده، آجلیغین گؤرونوشو همیشه ائپیک جه سینه دیر (حیماسی): ساندئویچ لرین حددیندن آرتیق بؤیوکلویو، سودله دولو قانوولار، زنگین لرین دیشله دییی مئیوه لر و اونلارین تیکه سینی سایمازیانا یئره آتماق ، و اونون گؤستردیی انسانلار ، آجلیغا قاپیلیر، سیاسی شعوردان اوزاقدیلار. اونون فیکرینجه کوتله وی نومایش لر ( اعتراضات عمومی ) بیر نوع مصیبت دیر : چونکی آجلیقدان کور اولموش انسانی قورخودور. بئله بیر آداملار ایشچی لرین موقعینی دویا بیلمز ، تکجه یوخسول و ایشچی لرین تضییق لر سونوجوندا بیرلشمه لری اونلاری قورتارا بیلر. تاریخی باخیمدان چارلی تخمینا ۱۹ – جی عصرین ایشچی لرینی نظرده توتور : چونکی اونلار، ماشینیزمه قارشی دورور، کوتله وی نومایش لردن یورولوب و تکجه بیر تیکه چؤره یه دوشونور. اونلار هله سیاسی ندن لری تانیماق و کوتله وی نومایشین گره ک لییینی دویمامیشلار.
آنجاق چارلی اونا گؤره سونسوز صحنه قابلیتینه مالیک دیر کی شعورسیز و انقلابچی دوشونجه لردن اوزاق اولان ایشچی لری عکس ائدیر. هله توپلوما مئیل لی اولان هئچ بیر اثری ایشچی یاشاییشی نین پیسلیک لرینی بو قدَر شدتلی و الی آچیق عکس ائتدیرن گؤرمه میشیک. اولا بیلسین کی تکجه برتولت برئشت بو ضرورتی دویموشدور کی سوسیالیستی بدیعی اثر همیشه انسانین، انقلابدان اؤنجه دورومونو نظره آلمالی دیر: بئله بیر انسان یالنیز اولاراق هم ده کوردور؛ و تکجه تضییق لر سونوجوندا انقلابچی آنلامینا یئتیشمک حدینده دیر. حال بو کی چارلی ، برئشت کیمی کورلوق و شعورسیزلیغی ائله تاماشاچی لارا گؤستریر کی تاماشاچی هم کورو و هم ده کورلوغون بدیعی نوماییشینی گؤرور. کور بیر کیمسه نی گؤرمک، أن یاخشی و ائتکی لی باخیش آچیسی (زاویه دید)دیر کی کور اونو گؤرمه ییر: اؤرنک اوچون : چارلی دوستاقدا ، دوستاغبانین سئوگی و سایغیسینی گؤرمکله، اؤزونو آمریکانین زنگین لریندن (ثروتمند) سانیر، بیز اونو یاخشی گؤروروک «لینکولن» کیمی قیچینی قیچی نین اوستونه آشیراراق، گونده لیک لری واراقلاییر : آنجاق اونون بو تقدیره لاییق حرکتی، اونون اعتبارینی آزالداراق ، ساختاکارلیغی و باشقالاری نین یامسیلاماسی هئچ ده آلینماییر؛ یئنی و باشقا دورومدا قوللوغا اوغراییر. بئله لیکله حتتا أن کیچیک بئله باغلی لیق دا، یارارسیز اولاراق یوخسوللوق آراسیندا باغلانتی هر آن قیریلیر. ائله بونا گؤره ده چارلی نین کاراکتئرلری هر شئیی یه غلبه ائدیر : چونکی او بوتون باغلی لیقدان ازاددیر؛ و بئله آدامین، انسانی وارلیغی تکجه اونون یالنیزلیغی دیر. اونون آنارشیزمی – سیاسی باخیمدان شوبهه لی دیر – صنعت باخیمیندان بلکه ده انقلابین أن ائتکی لی جهتی دیر.

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز