روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۲/۳۱
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 477
  • بازدید دیروز: 1,083
  • کل بازدید ها: 652,469
یول یولداشی

الیم سینیردی. بو نه ایش ایدی گؤردوم؟ یازیق قیز منه نه پیسلیک ائله­ میشدی. گلمیشدی داوالاریمی وئرسین. بیلمیرم نه اولدو، یوموروغوم گلدی اوزونه. هامیسی دا سنین ایشین­دیر. یولداش دئییلسن کی، اولوبسان جانیمین قَنیمی. جئیران بس دئییلدی، بو قیزین دا اوزونو بو گونه سالدیم؟… دوغرودان، نئچه واخت­دیر جئیران­ـدان خبریم یوخدو. آییلماسا، هارانین تورپاغینی باشیما تؤکه ­جه­ یَم؟ یازیق منیم ائویمده بیر گون گؤرمه­ دی. اول­لر من تئی جبهه­ ده ایدیم، سونرا دا بو جور اولوب قالدیم الینده. ننه­ مین اوزَرلییی­ندن دوکتورلارین داوا – درمانی دا اثر ائله­ مه دی. گوللـه­ لرین سسی باشیمدا قالدی. عراقلی هواپیمالار یئنه بئینیمده ویراژ وئردیلر. جنگدن سونرا دا ائویمیزده گولـله سسی گلیردی. توللادیغیم آر.پی.جی­لر عراقلی تانک­لارینی بیر – بیر پارتلادیردی. جئیراندان سونرا هئچ کس یان­ – یؤره ­مه دولانمیردی. “جواد”ی دا قویموردو چوخ سس سالسین. لازیم اولان شئی­لری اؤزو آلیردی. منه گؤره چوخ قوناقلیق­لاردان، توی­لاردان واز کئچیب قالیردی ائوده. داوا – درمانیمی واختیندا یئتیریب، پالتارلاریمی یویوب، ایسته­ دیییم غذانی پیشیریردی. واخت اولاندا بؤیرومده اوتوروب منی دیندیریب دانیشدیریردی. اونا گؤره ده بیلمه­ دیم جواد هاچان بؤیودو. اؤزونو اودا سویا ووروردو، هئچ کیم اینجیمه­ سین دئیه. آنجاق من اونون قَدرینی بیلمه­ دیم. جوادیلن سؤزوم اولاندا، منی دانلاییب دئییردی: اونیلن باش باشا وئریب اؤزووو ناراحات ائلمه، جاوان­دیر. مگر اؤزون جاوان دئییلدین؟ قوی نه دئییر دئسین. اوزووه گَتیرمه. هر نه دئییر جوابینی وئرمه. بیلیرم اوره­ یینده هئچ زاد یوخدور، بالاندی، اونو چوخ ایسته­ ییرسن. هر نه باشینداکی گوللـه ­نین ایشی­دیر. بیلدین؟ سنی دئییردی. ائله بیل بیلیرمیش سن بیر گون هر نه ­یی قاتاجاقسان بیر – بیرینه. همیشه بالاجا بیر سس­نن حالیم خاراب اولاردی. اوندا، قالاردی کناردا. من حالیمی بیلمَزدیم. قان گؤزومو توتاردی. الیمه گلن هر شئیی توللاردیم دوشمنین اوسته. بوشقابدان توتوب رادیو، و آلاهی (آیری) شئیی­لر. اؤزومه گلندن سونرا سینیق وساییلی گؤروب اؤزومدن آجیغیم گلَردی. بئله واخت­لار جئیران ائوی تمیزله­ ییب دئیه­ ردی: جانین ساغ اولسون، عئیبی یوخدو.
یازیق آرواد! یاخشی زحمت­لری­نین جوابینی وئردیم. کئش الیم چولاق اولایدی. جئیران قاباغا گلیب من­نن جوادین آراسیندا قالماسایدی، بلکه ده بو جور اولمازدی. قویسایدی من او اوشاغی باشا سالام، بئله اولمازدی. اؤزون کی بیلیرسن، من سسدن اینجیییرم. جواد دا او گون ضبطین آخیر خودونو وئرمیشدی. یئنه ائودن گولـله سسی گلدی. اوره ­ییم چیرپیندی، اوزوم آلوولاندی، باشیمداکی نبض دؤیونمه ­یه باشلادی. جئیران گلدی قاباغیما، دئدی: موراد! منه گؤره باغیشلا… ایندی آزالدار…
گوللـه­ لریلن خومپارالارین گورولتوسوندا اونون سسی­نین قالانینی ائشیتمه ­دیم. جئیران قاباغیمدان چکیلمه­ دی، اونو بیر قیراغا ایته له ­ییب جوادی شاپالاقلادیم. جوادین قیشقیراغی­ندان جئیرانین حالدان گئتمه ­یینی باشا دوشدوم. باشی دَیمیشدی دیوارا. اؤزومه گَلدیییمده بیماریستاندایدیم. جئیران آی.سی.یوـدا. دوکتور دئدی: جئیرانین بئینی خونریزی ائله­ ییب کُمایا گئدیب. اونون توختاماغی دا قالیب آللاها.
بو سؤزو ائشیدندن سونرا بیلدیم باشیما نه گلیب. او گوندن سونرا جواد اؤزگه آدام کیمی من­یلن کئچینیردی. داها اوزومه باخیب من­یلن دانیشمیردی. هر گون بیماریستانا باش چکیردی. نه قدَه ر دئدیم اؤز اَلیمده دئییلدی، اینانمادی. قاپینی چیرپیب ائودن چیخیردی. من قالیردیم، دام – دیوارلارنان. بیر ده سن. یادیمدان چیخیردی داوالاریمین آتماغی. آخی جئیران یوخ ایدی؛ کیم واختینی یادیما سالاجاقدیر یا داوالاری بیر لیوان سو ایله وئره­ جکدی الیمه.
جئیران کُمایا گئدندن بَری منیم ده حالیم یاوالاشدی. اؤزوم آسایشگاها گلمه­ ییمی ایسته­ دیم. بونو جوادا دئدیم. بیلیرسن اورَییم نه ایسته ­ییر؟ توختاییب، گئده­ م جئیرانی گؤرمه ­یه. جورلاندیییمی اؤزوم اونا دئیه­ م… آنجاق بیلمیرم منی باغیشلایاجاق یا یوخ. دونن او بیری اوتاقداکی­­لارین بیری اؤزونو اؤلدوردو. اوشاق­لار دئییرلر، پرستارلارین گؤزوندن ایراق اؤزونو اوتاغی­نین ائیوانیندان آتیبدی یئره. بلکه ده یاخشی ایشی او گؤروبدو. اؤزونو راحاتلادی، دوز دئمیرم؟! من ده بو ایشی گؤرسَم، سنین الیندن قورتاررام. جئیرانیلن جواد دا دینجه­ لرلر. بورداکی دوکتورلار، پرستارلار دا. گؤره­ سن خانیم پرستارین اوزو جورلاندی؟ اینانما، جورلانسا دا، اوره­ ییندن چیخماز. قولاق آس، ائله­ بیل آیاق سسی گلیر. خانیم پرستارین سسی­دیر. یئنه داوالاریمی گتیریب­دیر. من گئتدیم ملَفه­ نین آلتینا. آخی اوزونه باخماغا اوزوم گلمیر.
فرانک انصاری

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز