روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۶/۳۱
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 1,231
  • بازدید دیروز: 902
  • کل بازدید ها: 799,437
یول یولداشی

رحمتلیک ننه­ م دئییردی یول یولداشی اولماق چتین­دی، هر آدامین ایشی دئییل. یازیق آرواد دوز دئییرمیش، اوندا من باشا دوشموردوم.
ایندی­نین سؤزو دئییل، نئچه ایلدن سونرا قبول ائله من­دن یولا گلمه­ ییب­سن! گَلدییین واخت هله منیم چوخ ایشیم وار ایدی گؤرمه ­یه. او بیری اوشاق­لار کیمی عراقلی­لارین دَده ­سینی یاندیرماق ایسته ­ییردیم؛ آنجاق سنین پیس واختدا گلمه­ یین هر نه ­یی کورلادی. بلکه ده گلمه ­یین اؤز الینده دئییلدی، گئتمه­ یین نئجه؟ او کی اؤز الینده ایدی. اوندا نییه یئرینی بَرکیدیب قالدین؟ دوکتورلر دئدیلر خطری وار، اؤزون نئجه؟ ایسته­ سه­ یدین ائله­ یه بیلردین. دوز دئییرم یا یوخ…
گؤردویون ایش­لرین منه گؤره اولدوغونا اینانمیرام. منه گؤره اولسایدی، ایندی­یه چوخدان منی اؤزونیله آپارمیشدین او دونیایا. ایندی قالیبسان بوغازیمدا، نه آتا بیلیرم، نه اودا بیلیرم. آللاها ناشوکور بنده دئییلم، آنجاق بورا گَلندن بَری گونده اؤز – اؤزومه دئییرم: بو یولداشی منه وئرمکدن اؤترو، بو گونه قالمیشام ها؟!
الینی قویدو بوینونون دالینا، اؤوکه ­لدی. سونرا دونوخدو الینده­ کی قدیمی شکیله. بیر عکسه باخ گؤر همن آدامام؟ اوندا شیر تکین ایدیم. جبهه ­دن گلنده ننه­ م بیر توربا اوزَرلیک یاندیراردی. دئییردی: بالا! گؤز دَیر.
قونشولارین منه گؤز وورماغینی بیلمیرم، آنجاق یولا چیخاندا قیزلارین جومالاشماغینی یولومون اوسته گؤروردوم. یاشلی گؤزلرینی منه تیکیب دالیمجاق دوعا ائله­ یَردیلر. بیلمه­ دیم اؤزومه گؤره ایدی، یا قد – قامتیمه گؤره. منیم اورَییم اونلاریلن دئییلدی. بونلار هامیسی سؤز ایدی. بورا گلندن سونرا بیلدیم دونیا هئچ کیمه وفاسی یوخدور. نئجه­ کی من “جئیران” وفالی اولمادیم.
الینی آپاردی بالیشی­نین آلتینا، آیری بیر شکیل چیخارتدی. گؤرورسن جئیران­دی. چارشاب باشیندا منه باخیب گولور. اردبیلده دوستوم “محمود”ـ ون تویوندا اونو گؤردوم. هنده­ وَردن سوروشاندان سونرا، بیلدیم گلین خانیمین باجیسی­دی. اورَییم چیرپیندی. کَپنک­لرین قاناد چالماق­لاری یادیما دوشدو. فیکر ائله­ دیم: سینه­ م کپنک­یلن دولوب­دو. ائلچی­لیکدن سونرا بیر سویوق قارلی هاوادا توی توتدوق. یادیمدادی قار دیزدن ایدی. بیزیم تویوموز سنین یادینا گلمز. اوندا هله بیر – بیریمیزیلن تانیش اولمامیشدیق. او گون قانادلانیب اوچوردوم. بئله فیکیرلَشیردیم: قوجالاندا جئیران­نان چَلیک وورا – وورا، اوشاق­لاریمیزین ائوینه گئده­ جه ­ییک. سونرا اؤله­ نه­ جک بیرلیکده یاشایاجاییق. حئیف کی او جور اولمادی، یعنی سن قویمادین.
اورَکدن بیر آه چکیب آتوشگه­ دن گؤزونو حَیه­ طه تیکدی. او کیشینی گؤرورسن؟ سن بورا گلندن اونو گونده بو جور گؤرورم. آسایشگاه پالتاری­نین اوستوندن کراوات تاخیب حَیه­ طده دولانیر. الینی بئلینه ووروب شاخ – شاخ یول یئریییر. آدی “صَفر”دیر. جنگ زامانی اونو گؤرموشدوم. بئله دئییلدی هئچ. او دا جنگده موجی اولوب­دور. هئچ کیم­یلن یولا گئتمیر. اوندا منه دئیَردی: دَده­ م خان ایمیش. الینی ووراردی بئلینه، شاخ – شاخ یول یئریییب دستور وئره­ ردی. یازیق بیلمیر ایندی اؤزو ده دَده­ سی کیمی اولوب­دور.
الینی پنچره ­نین سویوق نرده ­سیندن چکدی کنارا. تخت اوسته بارداشینی قوروب اودقوندو. دوز دئییرسن… هامیدان یازیغی اؤزومَم. یازیق آرواد گؤره ­سن نئجه­ دیر؟ گؤره ­سن جورلاناجاق؟ دونوخدو اوستونه کاغیذ بیر تقویم آسیلمیش رنگی – روفو قاچمیش دیوارا. گون آتوشگه­ دن شاخیردی یئره. اوتاغین قاپیسی قورو سس­نن آچیلیب “عباسی” آدیندا بیر پرستار الینده غذا گیردی ایچَری. ـ «بیزیم آغا “موراد”یمز نه قاییریر؟حالی سازدی؟»
اودقونوب دئدی: ـ «یئنه نه گتیریب­سن؟ شوربا؟ بیر نعلبکی داوا ایلن ؟ شوربا اولسا یئیه رم آنجاق نعلبکیده­ کی­لره یئریم یوخدو!»
پرستار سینی­نی قویدو قاباغینا. ـ «یوخ بئله اولماز. ائوه گئتمک اوچون هر ایکیسی لازیم­دی.»
الینی اوزاتدی قاشیغا. اونو کاسانین ایچینده دولاندیریب آپاردی آغزینا ساری. الی گؤیده قورودو. ـ «دوغرودان خانیم پرستار نئجه­ دیر؟»
عباسی دستگیره ­نی اویناتدی. ـ «یاخشی­دی… اوزو بیر آز گؤیه ­ریب. اؤزوموزوک آ، الین یامان گوجلودو.» سونرا قاپینی اؤرتدو. قاشیق الیندن دوشدو کاسایا. شوربا لکه ­لری سیچرادی پالتارینا.
فرانک انصاری

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز