ییخیلیب دینین ائوی

ییخیلیب دینین ائوی رحلت ائدیب ختم رسل
چیرپیلیب دین قاپیسی حضرت زهـرا باشینا
سقط اولوب محسنی ، زهرا اؤزوده اولدی شهید
کـــــــول الندی او زاماندان بری دنیا باشینا
کربلا فاجعه ‎ سی بذرین اکیــب باشلاندی
تا قیامت نه قوپا زینب کبـــــــــــری باشینا
مدعی اولمـــــــــادی فرمان غدیره تسلیم
گؤر نه طوفان گتـــــــیریب امّت طه باشینا
مشورت امـــر الهی‏ ده اولور می؟ هیهات!
چکدیلر جَبـــــــریله مولانی دا شورا باشینا
حضرت فاطمه‌نــین قبری ده مهجور اولدی
چادر عصمتیــــــــــــنی سالدی ثریّا باشینا
امّت اولمازســــــا امامتده اولار خانه ‎ نشین
دولانار کعبــــه ده گئتدیکجه کیلیسا باشینا
بو اولان ایشدی کی آخشام چاغی، آللاه چوبانی
چولده، آللاه داوارین بوشلایا بی جا باشینا ؟
امّـــــــتین اکثری مصداق «لقد حقّ القول»
او حـــــــواری ییغیشانمازدی مسیحا باشینا
مسلمین دورد نفری مومن اولوب سلمان تک
یوســـــفین عشقی دوشر دیبده زلیخا باشینا
شهریار، گلدی حسینین ســسی، عاشوراسی
تا دوشه عشق شهـــــــادت دل شیدا باشینا
شهریار

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz