یئنه منده گؤزو پالچیقـــلی سازین وای حالینا
آه بوغولموش بو آغاجلاردا یازین وای حالینا
***
بو منم بیر لوتو آغزیندا بئله قیی چکیرم
آلدیغیم قیز قانینا دستمازین وای حالینا
***
و شاراب چکمه ده یم بئش صالاواتدان بوردا
كئفليجه منده قییامسیز نامازین وای حــــــالینا
***
منده آرتیق ایکی اوغلان اؤزونو بالتالاییر
یعنی تبریزده اوتوز آلتی قیزین وای حالینا
***
آنامین … آه سرطان آغریسینی من تیکه جم
سنین أینینده كي آهلی بولوزون وای حالینا
***
زؤهره نین گؤز یاشیدیر آه… خییاوانلاردا قنوو
وای دده ،منده «گوناي» آدلي قیزین وای حالینا
***
باجیمین ساچلارینی باغلاییرام بوردا دریــز
زمی لرده چیچک اوغلو دریزین وای حالینا
About Author
پست های مرتبط
عرفانی دویغو
بایاتی
ادب ساحه سینده