سئوگی

بیر قوجا کیشی سحر تئزدن ائویندن ائشیگه چیخیب، یولدا بیر ماشین ایله تصادف ائله دی و یارالاندی. یولدان کئچنلر اونو تئز مریضخانایا یئتیردیلر. پرستارلار یئتیشجک قوجا کیشی نین یارالارین باغلادیلار و سونرا اونا دئدیلر: گره ک سندن عکس گؤتورولسون بیله ک بَدنیوین هاراسی سینیب یا صدمه گؤروبدو.
قوجا کیشی غمه دولاراق دئدی: تله سیرم، عکس سالماغا نیاز یوخدور.
پرستارلار اوندان تله سمه گینین علّتین سورشدولار دئدی: آروادیم سالمندان ائوینده دیر، هر صبح اورا گئدیب صبحانه نی اون ایله بیرلیکده یییه رم.
اونا گؤره ایسته میرم واختسیز اولا…
پرستارلارین بیری اونا دئدی: بیز اؤزوموز اونا خبر وئره ریک.
قوجا کیشی غملی ایکن دئدی: چوخ تآسّفلر کی اونون « آلزایمر » مریضلیگی واردیر، بیر زاد باشا دوشمه یه جکدیر، منیده تانیماییر.
پرستار دویوخوب دئدی: او کی سنی تانیماییر کیمسن، نییه هر صوبح چاغلاری صبحانه صرف ائتمکدن ساری اونون یانینا گئدیرسن؟!
قوجا کیشی، توتقون سس ایله یاواشجا دئدی:
آمما من کی بیلیرم او کیمدیر!!

About Author