طاقتیم قورتاردی

آچیلمیش صبح رویون ، باخ قیزیل گول تک گولوستاندا
مرید گؤزلرین اولموش نه گول وارسا بو بوستاندا
قدم آتدیقجا هر یانه ، گولور گول ، شاد اولور بولبول
دئییرلر نه ملاحت وار سنین تک نازلـــــی جاناندا
بو رعنا حسنونه مغرور اولارکن اوز چئویردین سن
من ایسه گؤرمه دیم هئچ بیر وفا سن نازلی جئیراندا
بو ظولمون آتشی کؤنلوم ائوین یاندیردی محو ائتدی
ملک لـــر رحمه گلدی طاقتیم قورتاردی دای جاندا
سنین عشقین حیاتیمدا باهارین مژده سین وئــردی
فراقیندا خزانه اوغــــرادی کؤنلوم بو دوراندا
فراقین آتشینده باخ یانیــر شام تک بو « آرازلی »
او خوشدور کئچمیشین خوش گونلریله ایندی هیجراندا

About Author