طنز بایاتی لار

گونلریم یامــان اولـــــدی
یار دئدیم یالان اولــــــدی
یارانه تؤکـــولمــــــه دی
هر شئییم تالان اولـــــدی!
*
قیش پایی یئمیـــش اولار
سن دئسن هر ایــش اولار
آنان گلیـــــــر اوزاقدان
قوی گئدیم، قمیش اولار!
*
کاش آنان آنلایــــاردی
بیر سنی دانلایـــــــاردی
نه کی صوبحدن آخشاما
خوروز تک بانلایـاردی!
*
قئینانام یامـــــان اولدی
قاشلاری کامـــان اولدی
اورگ ده یئرین آچدی
آخیردا “مامان” اولـدی!

About Author

saghi

See author's posts