“آدم” اؤلدوك دن اون گون سونرا، نوح دونيايا گؤز آچدي و ۸۵۰ ياشي وار ايدي كي ادريس نبي دن سورا پيغمبرلي يه مبعوث اولوب اينسانلاري عدالته، صاف ليغا، صداقته، دوزگون لويه و گؤرونمز بيرجه تانري نينوارليغينا اوره ك دن ايمان گتيرمه يه دعوت ائتدي.
” نوح ” ون چاغيريشي، گوناهلار باتاقيندا لذت لي عؤمور سوره نكافير خلقه آغير و چتين گله رك او قَدَر او حضرتي دؤيوب وورولار كي دفعه لرجه هوشدان گئديب قولاقلاريندان قان آچيلدي. بو اوزدن نوح اؤز سويونو و طايفاسيني قارقي ياراق قيرخ ايله جان آرواد ـ‌كيشي لر عقيم اولوب تكجه بير ائولاد دا او ائل ده دوغولمور. آنجاق يئنه او خلق، عيبرت آلماييب آز بير عده دن باشقا كيمسه اونا و اونون رسالتي نه اينانمايير.
نوح سانكي دوشونجه لي اينسانلارلا يوخ بلكه داش قافالي جانلي لارلا قارشي قارشي يا ايدي كه هَوَس و شهوت اونلارين گؤزونو كور ائديب تانري نين معجزه لرله دولو يارانيشيني گؤرموردولر.
“نوح ” كي هر گون اونون يارالي قامتينه خلق ألي ايله يئني بير يارا وورولوردي بير گون جانا گليب أللريني گؤيه قالديراراق تكجه آللاهي يادا ساليب چوخ دهشتلي بير قارقيش ائده ركن تانري دان اينسانلارين بوغولماغين و يئر اوزوندن كؤك لري نين كسيلمه سين ايسته دي.
بو آن تانري نين ۱۲ مين ملاكه سي هاميسي بيردن ديله گليب بو قرار دان و از گئچمه سين ايسته ديلر و نوح ملك لره دئدي:
” اونلارا ۳۰۰ ايل داها ما جال وئريرم كي بلكه دوز يولا قاييديب چيركين و اوتانج وئره ن عمل لردن ، رذالت دن و “زنا”دن چكينه لر.”
” نوح ” ون وئردي يي وعده سي سونا چاتدي آمما اونون ائلي اوباسي، دوغرويولو سئچمه دن يئنه سوچ ايشله دير. “نوح”ون صبري كسيله رك بيرگون تانري نين درگاهينا دوعا ائتدي و آللاهدان ايسته يي بئله اولدو:
“بو جماعت كي من گؤروره مهئچ واخت دوز يولو سئچمه ييب يئنه ده مظلوم لارين آهي اوجادي. گرك ديركي كؤنول لرينده آللاه سئوگي سي اولمايان بوتون بنده لره تاريخ بويو عيبرت اولسون دئيه اونلارا بؤيوك بير درس وئره ن سن!”
اولو تانري نوحا وحي ائده رك اوننان عظمت لي و چئشيدلي اؤزل ليك لر داشي يان بير گمي نين دوزه تمه سيني ايسته دي. نوح كه باشاريلي بير نجار ايدي ۲۰۰ تامام بو گمي اوزه رينده اصحاب لاري نان بير ليك ده چاليشاراق، او گمي اؤز اوجاليقي، بؤيوك لويو، و اني بويو ايله عقله سيغمايان حشمت لي بير گمي اولدو. او اؤلكه ده هامي نوحو دلي ديوانه بيليب قورولوق دا و دنيزدن چوخ اوزاق ليق دا بئله نكي بير گمي ني ايزله يه رك حئيران ليقا جوموب گولمه يه باشليرديلار.
تانري نين بيليك لي و چوخ سايقيلي ملاكه سي جبرئيل، بير گون نوحا گمي حاققيندا گؤستريش لر وئره ركن دئدي:
“سنين دوعا لارين كي قارقيش لارلا دولو ايدي، آللاه درگاهيندا مستجاب اولوب تئزليك له تانري نين قهري و غضبي يئر اوزونو اؤزكامينا آلاجاق.”
گونلر اؤتدوك ده بير گون آللاه تعالادان نوحا وحي اولوندي كي دونياده هر نه جانلي واردير اونلاردان بير اَركك و بير ديشي بورايا ساري گله رك، اونلاري عزيز بير قوناق كيمي قارشيلاييب گمي ده يئر وئره رسن . هئچ جانلي نين او بيري جانلي يا ضرري كئچمه يه جك و ييرتيجي حئيوانلاردا قوزو كيمي اوت ايله و سوت ايله بسله نه جك لر.
نوحون خانيمي ” عموره ” و ائولادلاري سام، حام و يافث و هابئله نوحون قيز گلين لري بير پارا ايمانلي اصحاب لارلا بير ليك ده نوحون يارديمي له بوتون گمي يه ساري گلن جانلي لاري قارشيلاياراق اونلارا گمي ده مناسيب يئرلر حاضيرلاييرلار.
گون اوگون اولدوكي موعود واختي چاتدي و »عموره« چؤره‌ك ياپاراق تنديردن سو فيشقيراركن نوحي سسله دي و نوح، تئزليك له خانيميني، ائولادلاريني و اصحابيني باشيناييغاراق گئديب گمي ده اوتوروب دؤزمه يه باشلادي.
بو آن دا گونش توتولدو وگوندوز اولاراق يئر اوزونو قارانليق بوغدو و بولوت لار شاخاراق ايلديريم لار گورولدادي.
دايانمادان قيرخ گون گور ياغيش ياغيب يئرده هرنه بولاق، چاي و دنيز وارسادا دالغالانيب جوشاگلدي. بوتون يئر اوزونده كي وارليق لار ، جانلاريني ألدن وئره رك نوحون گمي سي داغلاري آشان سئل و توفان لارا داياناراق، يئر اوزو بير دنيزه چئوريلدي كي او دنيزين يوكسك لي يي بولاتلارا چاتدي و گمي ده بولاتلار ايچينده گؤرونمز اولدو.
گمي ني توفانلي دالغالار سو اوزون ده اؤز جايناغيينا آلاركن، قير خينجي گون سونا چاتاراق، آللاه تعالانين اَمري نن تورپاق لار سولاردان بير قيسميني اؤز جايناغينا چكمك له ياشاييش ايچون يئني دن قورو تورپاقلار ووجودا گلدي.
بئله ليك نوحون گمي سي نوروز بايراميندا دوز باهارين باشلانيشي لا “موصل” ده كي “جودي” داغي نين باشيندا لنگر سالدي.
نوح و اونون عائيله سي ايله اصحابي كي هاميسي ۸۰ نفر ايديلر گمي دن چيخيب گونشي و تورپاقي گؤره رك بوتون حئيوانلاري و قوشلاري دا گمي دن چيخارتديلار كي هره اؤز جيفتي نن تورپاقا آياق باسيب يئني ياشام لاري ايچون چئشيدلي يول لارا دوشدولر.
نوح و اصحابي او منطقه ده ” نمانين ” آدلي بير شهرين تملين قويوب مدنيت و حيات، يئني دن يئر اوزونده او شَهَردن باشلاندي.
آمما ايبليس، شيطانليغا دوام ائديب نوحون گؤزونه گؤروشه رك دئدي:
” سن فيكر ائتمه كي دا بوننان سونرا يئر اوزونده هئچ بير سوچ و جينايت ايش لن مه يه جك و خلق ائله هاميسي تانري نين سايقي لي بنده لري اولاجاق لار.
حسد، طاماح، غضب، قضاوت و هَوَس بير توزاق لارديلاركي من اونلارينان يئنه اينسانلاري يول دان چيخارداجاغام.”
نوح بو آن دا ” لا اله الا لله ” نيداسيني ديله گتيره رك ايبليسين جانينا لرزه دوشوب قورخونج واهيمه لر ايچره قويوب قاچدي.
نوح حضرت لري ۲۵۰۰ ايل عؤمور سوره رك ۹۵۰ ايل پيغمبر ليك دن سونرا، تانري نين سيفاريشي له بوتون ايلاهي بيليك لريني اوغلو ” سام ” اوچون وديعه قويوب گله جك ده »هود« آدلي بير پيغمبرين گلدي ييني خلقه موژده وئردي.
نوح بيرجه تانري يا ايللر بويو عيبادت ائديب خلقي عشقه، محبته، عدالته و معنوي اينانج لارا دعوت ائده رك بير گون گونش لن ديقي حالدا اؤلوم مله يي عزرائيل له گؤروشدوك ده آنلادي كي اؤلوم واختي چاتيب دير.
عزرائيل دن بيرجه آن مؤهلت ايسته دي كي بير آدديم آتاراق كؤلگه يه ساري گئديب روحونو تسليم ائده. آللاهين ايذني له اؤلوم مله يي بير آنليق اونا فورصت وئره ركن نوح دان سوروشور :
“بو اوزون عؤمرون نئجه گئچدي؟”
نوح ايسه جواب دا: “گونش دن كولگه يه آدديم آتماق دان قيسا ؟” دئيه‌رك جان وئردي.
About Author
پست های مرتبط
عرفانی دویغو
بایاتی
ادب ساحه سینده