ابی هشام دئییر: امام حسن عسکری(ع) حضرتلریندن بو شریف آیه باره سینده سوروشدوم:
(فاطر-۳۲)
اونداکی بو کیتابی او کیمسه بنده لریمیزه کی سئچدیک ، میراث وئردیک و بونلارین بعضیسی اؤزلرینه ظالیمدیرلر و بعضیسی مُلایم دیرلر و بعضیسی تانری نین اذنیله نعمت لره ساری قاچیرلار.
امام(ع) بویوردو: هــر اوچ بؤلوم آل محمد (ع) حضرتلرینه مربوط دیرلار.
او کی اؤزونه ظولم ائدیر اودور کی امام اوچون اقرار ائتمه ییبدیر.
و معتدل و ملایم اودور کی امام (ع) مقامینه عارف دیر و اوچونجی بؤلوم او کس لردیرلر کی خئیر و ثواب ایشده امام دان قاباقادوشمه ک ایسته رلر.
ابی هشام دئییر:
من فیکره جومدوم کی بو نه عظمت دیر کی امام لار اوچون نصیب اولدو. و بیر آزدا گؤز یاشی تؤکدوم .
سونرا امام عسکری(ع) منه باخیب بویوردو: مسئله اوندان بؤیوکدیر کی سن فیکیر ائدیرسن. سن آل محمد(ع) عظمتی وبؤیوکلیگی حاققیندا تانری نین شوکورون یئرینه گتیر و اوندان ایسته گیلن ولایت ایپینه باغلانماق اوچون توفیق تاپماغی سنه عنایت بویورسون.
چون قیامت گونو اوجوره سی چاغیریلاجاقسان، چون قیامت گونو هر انسانی اؤز امامیله مشحور ائده رلر. اومید اودور کی خئیر یولدا آددیم آتاسان!
About Author
پست های مرتبط
عرفانی دویغو
بایاتی
ادب ساحه سینده