یاردیملیق

سلیمان بن جعفر حیکایه ائدیر:
بیر گون امام علی ابن موسی الرضا(ع) منی ائوینه قوناق ائله دی، ایچه ری کئچنده گؤردوک او حضرتین قوللوقچولاری پَه یه (طویله ) جورلمه گه باش قاتیبلار و بیر ایشچی اونلارا پالچیق قاتیر.
امام (ع) سوروشدو: بو شخص کیمدیر؟
دئدیلر: بو شخص بیزه یاردیملیق ائدیر ، و بیزده ایشیندن سونوندا اونا بیر زاد وئره ریک.حضرت بویوردو: آیا اونون حقّ و حقوقون دانیشیبسیز؟
دئدیلر: یوخ، هر نه اونا وئرسه ک بیر سؤز دئمه ز. راضی اولار.
حضرت بو جوابی ائشیتجه ک ، هیرسله نیب ، آجیقلاندی و ایسته دی اونلاریله دئییشسین!
من قاباقا گئدیب عرض ائتدیم: یاابن رسول الله! نییه ناراحت اولدوز ، نییه بئله دئیینیرسیز؟!
امام(ع) بویوردو: نئچه دؤنه اونلارا تاپیشیریب، دئمیشه م کی بئله بیر ایشچی گتیرمه سینلر و گتیرسه لر ایشه باشلامامیش اُجرتین و حققین دانیشسینلار.
اگر ایش دن قاباق ایشچی ایله پول دانیشیلماسا ، ایش قورتولاندان سونرا هر نئچه برابر چوخ وئرسه نده گئنه ده گیلئلی اولاجاقدیر و مومکوندور سنی بوشلو سالسین.آمما اونون اُجرتی بیلینسه ، پولون آلاندا تشککور ائده ر و راضی اولار بوندان کی اُجرتین بوتونجه و تمام کمال آلدی و اگر بیر آزجا اُجرتی نین اوستونه آرتیرسان دا ، اونو سئوگی و ایسته ک سایار و بو سئوگینی هئچ واخت یاددان چیخارتماز.

About Author