یالان دونیا

ایــــرانین ، آذربایجاندان اوجالان، تانینمیـــــبش شاعیری
( سید محمــد حسین بهجت تبریزی – شهریار ) تورکجه و
فارسجا دیلده بؤیوک اثرلر یارادیبدیر.
اوســــتاد شهریار ، مین اوچ یوز آلتمیش یئددی – گونش
ایلده دونیادان گؤز یومدو و اؤز وصیّتینه گؤره تبریزین مقبره الشعرا سیندا تورپاغا تاپیشیریلدی. اونون دفن گونو ایران دا میللی شعر گونو آدلانیبدیر.
شهریار ، مین ایکی یوز هشتاد بئش – گونش ایلی – تبریزده آنادان اولدو.
آتاسی حاج میرآقا خشکنابی تبریزده وکالت ایشینه باخیردی . بو ایللرده تبریز و باشقا آذربایجان یئرلری چتین بیر دؤراندا یاشاییردیلار. مین لر آغیر دونیا دؤیوشلری بیر طرفدن و آذربایجان باشینا یاغان بلالر بیر طرفدن ، شهرده یاشاماغی زهه ر ائتمیشدی . آنجاق او آذربایجان یوردونو ترک ائدیب اؤز عائله سیله خشکناب کندینه کؤچوب و اوردا اوشاقلیق دؤرانین سورماقا مجبور قالمیشدی. ائله بو گونلر اونون یارادیجیلیغینا اَن بؤیوک بیر تمل کیمی اولور و ایللر سونرا اونون ایزی « شهریار » آدلی بیر شاعیر اثرلرینده آیدینجا گؤرونور.
تهران دا یاشادیغی گونلرده ابوالحسن خان شیدا، شمس العلما، ملک الشعرا بهار، محمد علی ترقی، فرخی یزدی، عشقی، صادق هدایت، رضاخان هندی، درویش، نیما، سالار معتمد، کمال الملک، حبیب سماعی…. و باشقا بئله آدلیم صنعت کار صنعت کارلار جمعینده، بهجت شاعیر، شهریار شاعیره آد ده ییشیر. آنجاق آتا بابا خاطیره لری قارشیندا بو یول چتینلیک لری واقعی حیاتیندا اولسادا، شاعیر ، رؤیا و غیب عالم لرینده یئنه ده ایتیردیگی یولو دوشونور و دیله گلیر.
بو دیگرگین‌لیک ۱۳۳۱ ایلینه کیمی داوام ائدیر . شهریارین آناسی بو ایلده وفات ائدیر . اونون وفاتی شهریارا آغیر بیر غم یارادیر. آنجاق بو غم هامیلار کیمی آنا اؤلوموندن دئییلمیش. او ائل دردی و مدنیّت
دردی ده چکیردی.
آنجاق شهریار اؤز کؤکونو دونیادان و یئر
اوزوندن قیریلمیش و قورتولموش گؤروردو.
ایللرین بیری، شــــهریار، تهرانیــــن پاییزلی بیر
گئجه‌سینده آناسینی یوخــــــودا گؤرور و اوندان
حلال‌لیق ایسته‌ییر.
همین گئجه شهریار حیدربابا پوئماسی‌نین ایلک بؤلومون اصیل بیر عاشیق‌لارین قوشما وزنینده و اصیل بیر تورک دیلینده یارادیر.
آذربایجان خالقی نین بو پوئمایا گؤستردیگی ماراق و ایستک بیر او قده ر یوخاری و غریبه دیرکی شهریار اؤزوده اونا حئیرت ائتمیشدی. ائل قوجاغینا دؤنموش بیر سورگون کیمی، شهریار بو ایل‌لرده تبریزه دؤنور و اؤزو دئمیشکن: یئنی بیر حیاتی ساعاتین ضربه‌لری‌له باشلاییر.
بو شاه اثر شهریاری دوغروسو ائلینه بیر شهریار ائدیر و آنا دیلی نین معجزه‌سی بوردا گؤرونور.
حیدربابا اثری مین‌لر کس واسطه‌سی‌له ازبرلنیر، اوخونور، اون‌لار باشقا دیله چئوریلیر و ائل ماهنیسی اولور . بو دؤراندان سونرا شهریارین یازدیغی تورکجه شعرلری بیری بیریندن گؤزه لاولوبدور.
تانری روحون شاد ائتسین.
حیــدر بابا ٬ دونیا یـــــــالان دونیادی
سلیماندان ٬نوح دان قــــالان دونیادی
اوغـــول دوغوب درده سالان دونیادی
هر کیمسه یه هر نه وئـــریب آلیبـــدی
افلاطوندان بیر قورو آد قالیبـــــــدی

About Author