بایاتی

بو گلن جان سسی دیر
عهد و پیمان سسی دیر
یئر اوزونده تک قالان
یـازیق اینسان سسی دیر
***
بو گلن جان سسی دیر
دورو ویجدان سسی دیر
دونیانی جننت ائده ن
اهلِ عرفان سسی دیر
***
عزیزیم آرا بیر گون
گؤر منی آرا بیر گون
نـیـسگیل باغریمی یارار
پـوزولـسـا آرا بیرگون
***
عـزیـزیـم گؤزده یئرین
اوره کـده گـؤزده یئرین
گؤز آلتی بیرده باخسان
سالارام گؤزده یـئـرین
***
سریـن بولاق گوُر بولاق
گئدمه دایان دور بولاق
سنـده کـیـمـلر یووونوب؟
اولـوبسان بولور بولاق

About Author

saghi

See author's posts