فرانسا ديلينده (Antonie de saint Exupery) 1900 نجي ايلين ژوئن آييي‌نين ۲۹ نجی گونو ايشيق دونيایا گؤز آچيب. ۱۹۹۴ نجي ايلين ژوئيه آیي‌نين ۳۱ نجي گونو فاني دونيايا گؤز يوماراق تانرييا قووشموشدور.
اونون ياشامي فرانسا باتي يئرلرينده سيقورتا(بیمه) شركتي‌نين ايشچيسي اولان بير زنگين عائيله‌نين عضوو كنت ژان سنت اگزويري‌نين اوچونجو ائولادي اولاراق ليون شهرينده باشلانميش‌دير.
اونون ليون شهرينده آنادان اولماسي ايتتیفاق اوزه رينده اولموشدور چونکي اونون نه آتاسي و نه آناسي ليون شهرينده‌ن دئیيل ديرلر و اورادادا ياشاميرديلار. اورتا مكتبي بيتيرنده‌ن سونرا عائيلهسي اونون دنيز قووت لرينه ايشچي اولاراق گيرمه‌سينه يؤنه‌تيجي اولدولار.
نه‌ده‌ني‌ده بو اولدوكي اورادا فرانسا زنگين عائليه‌لري‌نين ائولادلاري چوخ چوخ ايدي.
آنتووان بو ايشه سئوگي‌سيز اولدوغوندان اورانين سيناقلاريندان چيخا بيلمه‌ييب و اونيورسيته‌يه كئچه‌بيلمه‌دي. اولسون ايكي كره بو ايشي يئرينه یئتیرمگه چالیشدی، اما ياخشي سونوج الده ائده بيلمه‌دي.
تئزلیک‌له اولسون دييه اؤز گؤره ويني یئرينه یئتيرمكدن اؤترو فرانسا هاوا قووت لرينه داخيل اولدو. و اؤز ذووقونه داياناراق ياسايا باخماياراق اوچوش اؤيرنمه یه باشلاييب و اوچوش ایذني و سيرتيفیكاسيني آلدي.
جاوان سنت اگزويري گؤزه ل بير قيزا كؤنول وئرمیش دير. آمما قيزين عائيلهسي بو ايشه كؤنول وئرمه‌ديلر. باتي قاصدي عونوانلي كيتابيندا بو سئوگي‌نين ايزيني بولماق اولور (courier sud 1929) 1925 نجي «مانون» عونوانلي بير بالاجا داستان پاريسده یایینلانان بير درگي ده چاپ اولدو آما هئچ كيم اونو يازيچي لار گروپوندا گؤرموردی.
حتی كنديسيده يازيچي‌ليق قدرتينه ماليك اولدوغونو دقيق بيلميردي.
عمي‌سي اوغلونون واسيطه‌سيله يازيلاريني نئچه بؤيوك يازيچي و شاعيرلره گؤستردي، اونلاردا اونون دَرين بير استعدادا ماليك اولماسيني آنلاييب و اونو چوخلو تشويق ائتديلر.
اونون قلمي‌نين گونوگوندن قووتلنمه سي سبب اولدوكي پاريس شهري‌نین ياييجي (ناشر) لریندن بيري باتي قاصدي (پيك جنوب) عنوانلي كیتابي و باشقا يازيلاري‌نين چاپ ائتمه‌سينه آنتوان‌لار قرارا گلديلر و او زامان اگزويري اؤز ايشي نين قدرتيني آنلادي.
۱۹۳۹ نجي ايلينيده اگزوپري‌نين (اينسانلارين یئري، زمين انسانها) آدلي كيتابي بيرينجي كره اولاراق يايين اوزو گؤردو و اوقدر ساتيليب و ميلليتين اور ه یينده اؤزونه یئر آچدي‌كي فرانسا كالچير ائوي (فرهنگستان) طرفينده‌ن نوبل اؤدولونه لاييق گؤرولدو.
۱۹۴۳ نجي ايلينده، سنت اگزوپري‌نين شاه ائري كوچوك شازدا (شاهزاده كوچولو) Lepetit Prince ايشلريني تاماملاییب ايشيق اوزو گؤردو و یاييلدي. اونون ايچ وارليغي ديققتلي و درين بیلگیسَل رواني نكته‌لري‌نن بول‌دور.
كوچوك شازدا يا بالاجاشازدا اگزوپري نين قدرتلي اثرلريندَن بيردي‌دير. و كئچميش يوز ييلينن دونیا اوزه‌رينده اوچونجو چوخ اوخونان كيتابي دير.
بو كیتاب موريتاني مملكتي‌نين قوملو چؤلري‌نين بيرينده سنت اگزوپري‌يه اوز وئره‌ن حقيقي شرایط لردن يارارلانيب. اگزوپري‌نين بعضي اثرلريني آدلانديرماقلا بو سؤزه سون وئرمكده‌ييك.
آنايا مكتوب‌لار ۱۹۵۵ نجي ایلینده ايشيق اوزو گؤرموش.
گنج‌ليك مكتوب‌لاري ۱۹۵۳ نجي ایلینده ياييلميش.
بالجاشازدا ۱۹۴۳ نجي ایلینده يايين اوزو گؤرموش.
اوچوش اوزماني ووروش ۱۹۴۲ نجي ایلینده يايینلانميش.
گئجه‌اوچوشو ۱۹۳۱ نجي ایلینده ايشيق اوزو گؤرموش.
هاوادا گئده‌ن، هاوادا اوچان ۱۹۲۶ نجي ایلینده يايینلانميش.
باتي‌قاصدي ۱۹۲۹ ایلینده.
اينسانلارين یئري ۱۹۳۹ نجي ایلینده.
قالا ۱۹۴۸ نجي ایلینده ايشيق اوزو گؤرموش.
ووروش يازيلاري ۱۹۸۲ نجي ایلینده يایینلانميش.
و باشقا بعضي اثرلرده واركي بورادا آرتيق آچيقلاماق یئرسيز‌دير.
About Author
پست های مرتبط
عرفانی دویغو
بایاتی
ادب ساحه سینده