شعر

ساغلیقیمدا منی یاد ائیله میرسن

ساغلـیقیمدا مـنی یاد ائیله میرسن اؤلسم آغلاماقـین نه یه گرَک دیر مـن اؤلـندن سـورا گلیب یاسیما قـارا بـاغلاماقین نه یه گـرک دیر *** اؤزنـو هئـی چکدین مندن قیراغا حسـرت قـالدیم بیر گلیشه سوراغا مـنی تاپشیراندان سـورا تـورپاغا سـینه داغلاماقین نه یه گرگ دیر *** سیلمه دین گؤزمدن آخان سئللری بیـلمه دیـن غصـه لی آیلار ایللری […]

ساغلـیقیمدا مـنی یاد ائیله میرسن
اؤلسم آغلاماقـین نه یه گرَک دیر
مـن اؤلـندن سـورا گلیب یاسیما
قـارا بـاغلاماقین نه یه گـرک دیر
***
اؤزنـو هئـی چکدین مندن قیراغا
حسـرت قـالدیم بیر گلیشه سوراغا
مـنی تاپشیراندان سـورا تـورپاغا
سـینه داغلاماقین نه یه گرگ دیر
***
سیلمه دین گؤزمدن آخان سئللری
بیـلمه دیـن غصـه لی آیلار ایللری
اجـل اسـدیـرنـده خـزان یئللری
چویب چاغلاماقین نه یه گرک دیر
***
“آذری”،سـاغـلیقدا سـالمادیـن یادا
سیـنه سـین دولدردون آها فـریادا
اوزامان کی کؤچوب، یوخدو دونیادا
بو یاس ساخلاماقین نه یه گرک دیر