بایاتی

منه وطن قالاندي سنه وطن قالاندي بيز گئده‌ريك دونيادان يئنه، وطن قالاندي *** عزیزیم آخار سولار چایلاردان آخار سولار یوللار اوزاق اولسادا بولانماز آخار سولار *** اوره ییم آتا آنا قادالاری بو جانا بوتون دونیا بیر یانا آتا آنا بیر یانا *** عزیزیم آتا آنا دونیادی هر اینسانا آتا آنانی آتیب ویریلما هر جئیرانا *** […]

منه وطن قالاندي
سنه وطن قالاندي
بيز گئده‌ريك دونيادان
يئنه، وطن قالاندي
***
عزیزیم آخار سولار
چایلاردان آخار سولار
یوللار اوزاق اولسادا
بولانماز آخار سولار
***
اوره ییم آتا آنا
قادالاری بو جانا
بوتون دونیا بیر یانا
آتا آنا بیر یانا
***
عزیزیم آتا آنا
دونیادی هر اینسانا
آتا آنانی آتیب
ویریلما هر جئیرانا
***
عزیزیم سن گؤز اوسته
کاباب یانار کؤز اوسته
دوست دوستوندان اینجی یه ر
کینایه لی سؤز اوسته
***
عزیزیم بو دونیادا
چوخ زاد یازیلیر آدا
عومور باشا چاتاندا
هر بیر زاد قالیر یادا
***
عزیزیم بو دونیادا
اینسانلاری سال یادا
قوی اؤله ندن سونرادا
سالسینلار سنی یادا
***
عزیزیم زنگانیم سان
اوره ییم سن جانیم سان
ائلمانلارین سئوگی سی
آذربایجانیم سان
***
عزیزیم اینسان یاشا
آز یاشا اینسان یاشا
شاعیر اولسان بو سؤزو
ایلک شعرینده یاز یاشا
***
عزیزیم چوخ دانیشما
هر مجلیسده دانیشما
سؤز اهلینده سؤز ائشیت
نادان خالقا قاریشما
***
عزیزیم بو دونیادا
عدالت چؤنوب یادا
بیری ده نیزی دوتوب
بیرینه چاتمیر آدا
*
عزیزیم آغلار گؤزوم
دالینجا آغلار گؤزوم
سنده ن سونرا دونیادا
بیر توستومدو بیر کؤزوم