سن منه دلبر یئترسن اؤزگه‌لر یار اولماسین
بیر اولور یار ایکی اولماز، ایکی زنهار اولماسین
باغریمی دوغرار فراقین خاری، ای جنّت گولی
نوبهار اولسون، گول اولسون، آرادا خار اولماسین
کیمکی دیداریندن اؤزگه نسنه ایستر، یادیلر
یئتمه سین حقدن نصیبی، اهل دیدار اولماسین
فرقتین دردی منی بی‌خواب و گریان ائیله دی
دشمنین عمری تؤکنسین بختی بیدار اولماسین
دوتموشام عشقینله پیمان قیلمیشام حسنونله عهد
اوندان اؤزگه عهد و پیمان قول و اقرار اولماسین
یاپیجی حقدیر خرابی اول یاپار معمور ائدر
حق یاپان معموره آیری کیمسه معمار اولماسین
زلفونون داریندا شاها آسیلان منصور ایدی
هر که منصور اولمادی، زولفونده بر دار اولماسین
اولموشام عینین کیبی بیمار عشقیندن جدا
یارب او نرگسدن اؤزگه کیمسه بیمار اولماسین
ای نسیمی قیلما یارین سرّینی اغیاره فاش
تا که یار اولسون بو سرّه محرم، اغیار اولماسین
About Author
پست های مرتبط
عرفانی دویغو
بایاتی
ادب ساحه سینده